ഇരവിപുരം മാര്ക്കറ്റിനടുത്ത് യുവതിയെ ഭര്ത്താവ് തലയ്ക്കടിച്ച് കൊലപ്പെടുത്തി. മഹേശ്വരിയാണ് മരിച്ചത്. ഭര്ത്താവ് മുരുകനെ പൊലീസ് അറസ്റ്റ് ചെയ്തു. കട്ടിലില് കിടക്കുന്ന നിലയിലായിരുന്നു മൃതദേഹം. ഭര്ത്താവ് മുരുകനും മൃതദേഹത്തിന് സമീപം ഉണ്ടായിരുന്നു. തലയ്ക്ക് പിന്നിലേറ്റ അടിയാണ് മരണകാരണമെന്നാണ് പ്രാഥമിക നിഗമനം.
ഇരുവരും മദ്യപിച്ച് വഴക്കുണ്ടാക്കുക പതിവായിരുന്നു. ഇന്നലെ രാത്രിയിലുണ്ടായ വഴക്കില് ബൈക്കിന്റെ ഷോക്കബ്സോര്ബര് കൊണ്ട് മുരുകന് ഭാര്യയുടെ തലയ്ക്കും മുഖത്തും അടിച്ചു. മര്ദ്ദനത്തില് മഹേശ്വരിയുടെ മുഖം വികൃതമായ നിലയിലായിരുന്നുവെന്ന് ദൃക്സാക്ഷികള് പറയുന്നു. ഭര്ത്താവ് മുരകന് കുറ്റം സമ്മതിച്ചിട്ടുണ്ട്. ഇന്ക്വസ്റ്റ് നടപടികള്ക്ക് ശേഷം മൃതദേഹം പോസ്റ്റുമോര്ട്ടത്തിനായി ജില്ലാ ആശുപത്രിയിലേക്ക് മാറ്റി.