വന്ദന ദാസിന്റെ കൊലപാതകത്തിൽ പ്രതിഷേധിച്ച് സംസ്ഥാനത്ത് പി ജി ഡോക്ടർമാർ നടത്തി വന്ന സമരം ഭാഗീകമായി പിൻവലിച്ചു. ഇന്ന് വൈകീട്ട് അഞ്ചു മണി മുതല് എമര്ജന്സി സര്വീസില് ഡോക്ടര്മാര് തിരിച്ചുകയറും. അതേസമയം ഒ.പി ബഹിഷ്കരണം തുടരും. ഇന്ന് തന്നെ കമ്മിറ്റി കൂടി തുടർ സമരത്തിന്റെ കാര്യത്തിൽ തീരുമാനമെടുക്കുമെന്ന് ആരോഗ്യമന്ത്രി വീണ ജോര്ജുമായുള്ള ചര്ച്ചയ്ക്ക് പിന്നാലെ ഡോക്ടര്മാര് അറിയിച്ചു.
മന്ത്രിയുമായുള്ള ചര്ച്ച പോസിറ്റീവായിരുന്നുവെന്നും ആരോഗ്യപ്രവര്ത്തകര്ക്കെതിരായ അതിക്രമങ്ങളില് ശക്തമായ നടപടിയെടുക്കുമെന്ന് ആരോഗ്യമന്ത്രിയില് നിന്ന് ഉറപ്പ് കിട്ടിയതായും ഡോക്ടര്മാര് പറഞ്ഞു.അതേസമയം ഹൗസ് സര്ജന്മാരുടെ സമരം പിന്വലിക്കുന്ന കാര്യത്തില് തീരുമാനമായിട്ടില്ലെന്നും ഡോക്ടര്മാര് അറിയിച്ചു.
പിജി ഡോക്ടര്മാരുടെയും ഹൗസ് സര്ജന്മാരുടെയും പ്രശ്നങ്ങള് പഠിക്കാന് സര്ക്കാര് പ്രത്യേക സമിതിയെ നിയോഗിക്കുമെന്ന് യോഗത്തില് മന്ത്രി അറിയിച്ചിട്ടുണ്ട്.
