ഹൈക്കമാൻഡ് നിര്ദേശം പാലിക്കാന് മുതിര്ന്ന നേതാക്കള് തയാറാകാത്ത സാഹചര്യത്തില് നിയമസഭാ തെരഞ്ഞെടുപ്പില് നേമത്തോ വട്ടിയൂര്ക്കാവിലോ മത്സരിക്കാന് സന്നദ്ധനായി എഐസിസി ജനറല് സെക്രട്ടറി കെ സി വേണുഗോപാല്. ഉമ്മൻചാണ്ടിയും രമേശ് ചെന്നിത്തലയും നേമത്ത് മത്സരിക്കുവാൻ സന്നദ്ധരല്ലെങ്കിൽ താന് സ്ഥാനാര്ത്ഥിയാകുമെന്ന് എഐസിസി സ്ക്രീനിംഗ് കമ്മിറ്റി യോഗത്തില് കെ സി വേണുഗോപാല് നാടകീയ പ്രഖ്യാപനം നടത്തി. രണ്ട് മണ്ഡലങ്ങളിലും തനിക്ക് വിജയ സാധ്യതയുണ്ടെന്ന് കെ സി വേണുഗോപാല് സ്ക്രീനിംഗ് കമ്മിറ്റി യോഗത്തില് പറഞ്ഞു. അതേസമയം നേമത്ത് മത്സരിക്കുന്ന കോണ്ഗ്രസ് നേതാവായിരിക്കും മുഖ്യമന്ത്രി സ്ഥാനാര്ത്ഥിയെന്നാണ് ഹൈക്കമാൻഡിന്റെ നിലപാട്. ഇക്കാര്യം ഉമ്മന് ചാണ്ടിയെയും രമേശ് ചെന്നിത്തലയെയും ഹൈക്കമാൻഡ് നേരിട്ട് അറിയിച്ചു. ഇരുനേതാക്കളും സന്നദ്ധരല്ലെങ്കില് കെ സി വേണുഗോപാല് ആയിരിക്കും സ്ഥാനാര്ത്ഥി. കെ മുരളീധരന്, ശശി തരൂര് എന്നിവരെയും പരിഗണിക്കുമെന്ന് ഹൈക്കമാന്ഡ് സൂചന നല്കി.
‘നേമത്തോ വട്ടിയൂർക്കാവിലോ മത്സരിക്കുവാൻ തയ്യാർ; കെ സി വേണുഗോപാല്
