കളമശ്ശേരിയില് 500 കിലോ പഴകിയ കോഴി ഇറച്ചി പിടികൂടി. നഗരസഭ ആരോഗ്യവിഭാഗം നടത്തിയ പരിശോധനയിലാണ് , ഹോട്ടല് ജീവനക്കാരുടെ താമസസ്ഥലത്തുനിന്ന് ഷവര്മ ഉണ്ടാക്കാന് സൂക്ഷിച്ചിരുന്ന, ദുര്ഗന്ധം വമിക്കുന്ന നിലയിലുള്ള ഇറച്ചി കണ്ടെത്തിയത്.
കളമശ്ശേരി എച്ച് എം ടിക്ക് അടുത്ത് കൈപ്പടമുകളിലെ വീട്ടിലായിരുന്നു ഇറച്ചി സൂക്ഷിച്ചിരുന്നത്. വാടകക്കെടുത്ത വീടിന്റെ മുറ്റത്ത് വെച്ച ഫ്രീസറിലായിരുന്നു ഇറച്ചി. ഇവിടെവെച്ച് ഇറച്ചി വിഭവങ്ങള് ഉണ്ടാക്കി നഗരത്തിലെ ഹോട്ടലുകളിലേക്ക് വിതരണം ചെയ്യാറുണ്ട്. തമിഴ്നാട്ടില് നിന്നാണ് പഴയ കോഴിയിറച്ചി എത്തിച്ചതെന്നാണ് വിവരം.മലപ്പുറം സ്വദേശി ജുനൈസ് വാടകയ്ക്കെടുത്ത വീട്ടില് നിന്നാണ് 400 കിലോ ചീഞ്ഞളിഞ്ഞ ഇറച്ചി പിടിച്ചെടുത്തിരിക്കുന്നത്.
ഇവിടെ നിന്നും 150 കിലോ പഴകിയ എണ്ണയും കണ്ടെത്തി. ഇത് ബ്രഹ്മപുരത്തെ മാലിന്യസംസ്കരണ കേന്ദ്രത്തിലേക്കു കൊണ്ടു പോയിട്ടുണ്ട്.
500 കിലോ പഴകിയ കോഴി ഇറച്ചി,150 കിലോ പഴകിയ എണ്ണ;കളമശ്ശേരിയില് ആരോഗ്യവകുപ്പിന്റെ പരിശോധന
