കുന്ദമംഗലം: കാരന്തൂര്‍ പാറ്റേണ്‍ സ്‌പോര്‍ട്‌സ് ഫ്‌ളഡ്‌ലിറ്റ് സ്റ്റേഡിയത്തില്‍ നടക്കുന്ന ഇന്റര്‍ കോളജിയേറ്റ് വോളിബോള്‍ ടൂര്‍ണമെന്റില്‍ സെന്റ് പീറ്റേഴ്‌സ് കോളജ് കോലഞ്ചേരി ടീമും ദേവഗിരി കോളജ് ടീമും സെമിയില്‍ പ്രവേശിച്ചു. കോലഞ്ചേരി ടീം എതിരില്ലാത്ത മൂന്ന് സെറ്റുകള്‍ക്ക് (സ്‌കോര്‍ 25-15, 25-23, 25-19) സേക്രട്ട് ഹാര്‍ട്ട് കോളജ് തേവരയെ പരാജയപ്പെടുത്തിയാണ് സെമിയിലെത്തിയത്.ദേവഗിരി കോളജ് ഒന്നിനെതിരെ മൂന്ന് സെറ്റുകള്‍ക്ക് (സ്‌കോര്‍ 25-23, 24-26,25-20, 25-21)
അസ്മാബി കോളജ് കൊടുങ്ങല്ലൂരിനെ പരാജയപ്പെടുത്തി സെമി ഫൈനലില്‍ പ്രവേശിച്ചു.
നേരത്തെ മുഖ്യ അതിഥികളായ സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡണ്ട് മേഴ്‌സിക്കുട്ടന്‍ ജില്ല സ്‌പോര്‍ട്‌സ് കൗണ്‍സില്‍ പ്രസിഡണ്ട് ഒ.രാജഗോപാല്‍ എന്നിവര്‍ കളിക്കാരുമായി പരിചയപ്പെട്ടു.
ശനിയാഴ്ച ആദ്യ സെമിയില്‍ നൈപുണ്യ കോളജ് കൊരട്ടി ടീം സെന്റ് സ്റ്റീഫന്‍സ് കോളജ് പത്തനാപുരത്തെയും രണ്ടാം സെമിയില്‍ ദേവഗിരി കോളജ് ടീം സെന്റ് പീറ്റേഴ്‌സ് കോളജ് കോലഞ്ചേരിയെയും നേരിടും.
