ജയ്പൂര്: രാജസ്ഥാനിലെ അജ്മീറില് ട്രെയിന് പാളം തെറ്റിക്കാന് ശ്രമം. ബംഗാഡ് റെയില്വേ സ്റ്റേഷന് സമീപമായിരുന്നു സംഭവം. റെയില്വേ ട്രാക്കില് കൂറ്റന് സിമന്റ് കട്ടകള് നിരത്തി. ഗുഡ്സ് ട്രെയിന് പാളം തെറ്റിക്കാനായിരുന്നു ശ്രമമെന്ന് റെയില്വേ ഉദ്യോഗസ്ഥര് പറഞ്ഞു. എഫ്ഐആര് രജിസ്റ്റര് ചെയ്ത് അന്വേഷണം ആരംഭിച്ചു.
70കിലോ ഭാരമുള്ള സിമന്റ് കട്ടകളില് ട്രെയിന് ഇടിച്ചെങ്കിലും അനിഷ്ടസംഭവങ്ങള് ഒന്നും ഉണ്ടായില്ലെന്ന് റെയില്വേ അധികൃതര് വ്യക്തമാക്കി.
ഉത്തര്പ്രദേശിലെ കാന്പൂരില് ഭിവാനി-പ്രയാഗ്രാജ് കാളിന്ദി എക്സ്പ്രസ് പാളം തെറ്റിക്കാന് ശ്രമം നടന്നിരുന്നു. അതിന് പിന്നാലെയാണ് രാജസ്ഥാനിലും ട്രെയിന് പാളം തെറ്റിക്കാനുള്ള ശ്രമം ഉണ്ടായത്.
