ചിറ്റിലഞ്ചേരിയില് യുവതിയെ കഴുത്ത് ഞെരിച്ച് കൊന്നു. പാലക്കാട് കോന്നല്ലൂര് ശിവദാസന്റെ മകള് സൂര്യപ്രിയ(24)യാണ് കൊല്ലപ്പെട്ടത്. സംഭവവുമായി ബന്ധപ്പെട്ട് അഞ്ചുമൂര്ത്തി മംഗലം ചിക്കോട് സുജീഷ്(27) പോലീസില് കീഴടങ്ങി. സൂര്യ പ്രിയ ഡിവൈഎഫ്ഐ കോന്നല്ലൂര് യൂണിറ്റ് സെക്രട്ടറിയും ചിറ്റിലഞ്ചേരി മേഖല കമ്മിറ്റിയംഗവും മേലാര്കോട് പഞ്ചായത്ത് സിഡിഎസ് അംഗവുമാണ്.
സുജീഷും സൂര്യപ്രിയയും തമ്മില് ഏറെക്കാലമായി പ്രണയത്തിലായിരുന്നുവെന്നും ബന്ധത്തിലുണ്ടായ ചില അസ്വരാസ്യങ്ങളാണ് കൊലപാതകത്തിലേക്ക് നയിച്ചതെന്നുമാണ് പൊലീസിന്റെ പ്രാഥമിക നിഗമനം. സ്വന്തം വീട്ടിലെ മുറിയിലാണ് സൂര്യപ്രിയയെ മരിച്ച നിലയില് കണ്ടെത്തിയത്. വീട്ടില് മറ്റാരുമില്ലാതിരുന്ന സമയത്താണ് സംഭവം. കഴുത്ത് ഞെരിച്ചാണ് കൊലപ്പെടുത്തിയതെന്ന് സുജീഷ് തന്നെയാണ് പോലീസിന് മൊഴി നല്കിയത്.
ആലത്തൂര് പൊലീസ് സൂര്യപ്രിയയുടെ വീട്ടിലെത്തി അന്വേഷണം ആരംഭിച്ചു. ബന്ധുക്കളില് നിന്നും സുഹൃത്തുകളില് നിന്നും വിവരങ്ങള് ശേഖരിച്ചു വരികയാണെന്ന് പൊലീസ് അറിയിച്ചു.
