ഇന്സ്റ്റഗ്രാം വഴി പരിചയപ്പെട്ട പതിനഞ്ചുകാരിയെ കഞ്ചാവ് നൽകി പീഡിപ്പിച്ച സംഭവത്തിൽ 2 പേർ പിടിയിൽ.ചാലിശ്ശേരി സ്വദേശി ചേരപറമ്പിൽ അജ്മൽ (23), ആലംകോട് സ്വദേശി ഷാബിൽ (22) എന്നിവരാണ് അറസ്റ്റിലായത്. 2023 സെപ്റ്റംബര് മാസത്തിലാണ് സംഭവം നടന്നത്. കോഴിക്കോട് സ്വദേശിനിയായ പെൺകുട്ടിയെയാണ് പ്രതികൾ പീഡിപ്പിച്ചത്. കൗൺസിലിങ്ങിനിടെയാണ് പെൺകുട്ടി പീഡന വിവരം വെളിപ്പെടുത്തിയത്.കോഴിക്കോട് സ്വദേശിനിയായ 15 കാരിയെ അജ്മല് ഇന്സ്റ്റഗ്രാം വഴിയാണ് പരിചയപ്പെട്ടത്. പിന്നീട് അജ്മലിന്റെ വീട്ടിലെത്തിച്ച് കഞ്ചാവ് നല്കി മയക്കിയതിന് ശേഷം ബലാത്സംഗം ചെയ്തു. ഇയാളുടെ സുഹൃത്തായ ആലംകോട് സ്വദേശി ഷാബിലും പെണ്കുട്ടിയെ ബലാത്സംഗം ചെയ്തു. പിന്നീട് വീട്ടിലെത്തിയ പെണ്കുട്ടിയെ അസ്വാഭാവികമായ പെരുമാറ്റത്തെ തുടര്ന്ന് മഹിളാമന്ദിരത്തില് പ്രവേശിപ്പിച്ചിരുന്നു.
