സംസ്ഥാന ബജറ്റിലെ അധിക നികുതിയടയ്ക്കരുതെന്നും നടപടി വന്നാല് കോണ്ഗ്രസ് സംരക്ഷിയ്ക്കുമെന്നും കെ.പി.സി.സി അധ്യക്ഷന് കെ.സുധാകരന്.അധിക നികുതി പാര്ട്ടി പ്രവര്ത്തകര് അടയ്ക്കില്ലെന്ന് യു.ഡി.എഫ് കാലത്ത് പിണറായി വിജയന് പറഞ്ഞിരുന്നു. നികുതി പിരിക്കാന് ത്രാണിയില്ലാത്ത സര്ക്കാര് സാമ്പത്തിക പ്രതിസന്ധിയുണ്ടാക്കുന്നു. തിരുത്തേണ്ടത് തിരുത്തണം, ജനങ്ങള്ക്കു വേണ്ടിയാകണം ഭരണമെന്നും കെ.സുധാകരന് പറഞ്ഞു.ഗോ സംരക്ഷണം വിജയകരമായി നടപ്പാക്കിയ ബിജെപി ഇതര മുഖ്യമന്ത്രിയാണ് പിണറായി വിജയൻ. എറ്റവും വിലയേറിയ തൊഴുത്ത് ഉണ്ടാക്കിയെന്ന ബഹുമതി മുഖ്യമന്ത്രിക്ക് കൊടുക്കണം. കൗ ഹഗ് ഡേ ആചരിക്കാനുള്ള നിർദ്ദേശം വൈകാതെ മുഖ്യമന്ത്രിയും നൽകും. കേന്ദ്രത്തോട് സംസാരിക്കേണ്ടത് കോൺഗ്രസല്ല സർക്കാരാണ്. ഗോരക്ഷക്ക് കോൺഗ്രസ് എതിരല്ല. പക്ഷേ പരിഹാസമായി മാറരുതെന്നും അദ്ദേഹം പറഞ്ഞു..
അധിക നികുതി അടയ്ക്കരുത് നടപടി വന്നാൽ കോൺഗ്രസ് സംരക്ഷിക്കും;വിലയേറിയ തൊഴുത്ത് പണിത ഗോ സംരക്ഷകനാണ് മുഖ്യമന്ത്രിയെന്നും സുധാകരൻ
