കൊച്ചി: കളമശേരിയിലെ ഹോട്ടലില് നിന്ന് ഭക്ഷണം കഴിച്ചവര്ക്ക് ദേഹാസ്വാസ്ഥ്യം. പത്തുപേരെ ആശുപത്രിയില് പ്രവേശിപ്പിച്ചു. പാതിരാ കോഴി എന്ന ഹോട്ടലില് നിന്ന് കുഴിമന്തി കഴിച്ചവര്ക്കാണ് ശാരീരിക ബുദ്ധിമുട്ട് അനുഭവപ്പെട്ടത് എന്നാണ് റിപ്പോര്ട്ട്. ഇവരെ എറണാകുളം ജനറല് ആശുപത്രിയില് പ്രവേശിപ്പിച്ചു.
ഇന്നലെ രാത്രി കുഴിമന്തി കഴിച്ചവര്ക്കാണ് ശാരീരികാസ്വാസ്ഥ്യം അനുഭവപ്പെട്ടത്. വയറിളക്കവും ഛര്ദ്ദിയുമാണ് അനുഭവപ്പെട്ടത്. പത്തുപേരും എറണാകുളം ജനറല് ആശുപത്രിയില് ചികിത്സയിലാണ്. ഇവരുടെ ആരുടെയും ആരോഗ്യനില ഗുരുതരമല്ല. സംഭവത്തില് ആരോഗ്യവകുപ്പും പൊലീസും അന്വേഷണം ആരംഭിച്ചിട്ടുണ്ട്.
