ബ്ലാസ്റ്റേഴ്സിന് ഇന്ന് പത്താമങ്കം

ഐ എസ് എലിൽ കേരള ബ്ലാസ്റ്റേഴ്സിന് ഇന്ന് പത്താം മത്സരം. കരുത്തരായ ജംഷഡ്പൂർ എഫ്സിയാണ് ബ്ലാസ്റ്റേഴ്സിൻ്റെ എതിരാളികൾ. സീസണിൽ മോശം പ്രകടനം തുടരുന്ന ബ്ലാസ്റ്റേഴ്സ് രണ്ടാം ജയം ലക്ഷ്യമാക്കിയാവും ഇന്ന് ഇറങ്ങുക. 9 മത്സരങ്ങളിൽ നിന്ന് വെറും ഒരു ജയവും 6 പോയിൻ്റുമായി പോയിൻ്റ് പട്ടികയിൽ 10ആം സ്ഥാനത്താണ് ബ്ലാസ്റ്റേഴ്സ്. കഴിഞ്ഞ മത്സരത്തിൽ 11ആം സ്ഥാനത്തുള്ള ഒഡീഷയോട് നാലിനെതിരെ രണ്ട് ഗോളുകൾക്ക് ബ്ലാസ്റ്റേഴ്സ് പരാജയപ്പെട്ടിരുന്നു. 9 മത്സരങ്ങളിൽ നിന്ന് മൂന്ന് ജയം സഹിതം 13 പോയിൻ്റുള്ള ജംഷഡ്പൂർ പട്ടികയിൽ അഞ്ചാമതാണ്.