കൊവിഡ് വൈറസിന് പ്രതിരോധിക്കുന്നതില് കേരളം ലോകത്തിന് മാതൃകയെന്ന് ഗവര്ണര് ആരിഫ് മുഹമ്മദ് ഖാന്. കൊവിഡ് പ്രതിരോധത്തില് സര്ക്കാര് സമ്പൂര്ണ വിജയമാണെന്നും ഗവര്ണര് പറഞ്ഞു.
പൊലീസിന്റെ ബോധവത്ക്കരണം ഇക്കാര്യത്തില് നിര്ണായകമായി. സ്വന്തം ജീവന് പണയം വെച്ചാണ് ആരോഗ്യപ്രവര്ത്തകര് പ്രവര്ത്തിച്ചത്. ലോക്ക് ഡൗണിലെ കേരള മാതൃക മറ്റ് സംസ്ഥാനങ്ങളും പിന്തുടരണമെന്നും അദ്ദേഹം പറഞ്ഞു.
പ്രവാസികളെ തിരിച്ചെത്തിക്കാനുള്ള കേരളത്തിന്റെ സംസ്ഥാനം നടത്തിയ പ്രവര്ത്തനങ്ങളേയും ഗവര്ണര് അഭിനന്ദിച്ചു. കേരളം കൂടുതല് കേന്ദ്ര സഹായം അര്ഹിക്കുന്നെന്നും
കേന്ദ്ര-സംസ്ഥാന സര്ക്കാരുകള് തമ്മില് അഭിപ്രായ വ്യത്യാസമില്ലെന്നും എല്ലാ രാഷ്ട്രീയ പാര്ട്ടികളും ഗൗരവത്തോടെ തന്നെയാണ് കൊവിഡിനെ സമീപിച്ചതെന്നും അദ്ദേഹം പറഞ്ഞു.
സ്പ്രിംക്ലര് കരാറിലും ഗവര്ണര് സര്ക്കാര് നിലപാടിനൊപ്പം നിന്നു. സ്പ്രിംക്ലര് വിഷയുമായി ബന്ധപ്പെട്ട് മുഖ്യമന്ത്രിയുമായി സംസാരിച്ചിരുന്നെന്നും ഡാറ്റ ചോരില്ലെന്ന് മുഖ്യമന്ത്രി ഉറപ്പ് നല്കിയതായും ഗവര്ണര് പറഞ്ഞു.
