പെരുവയൽ ഗ്രാമപഞ്ചായത്തിൽ പ്രവൃത്തി പൂർത്തീകരിച്ച കീഴ്മാട് ഉമ്മളത്തൂർ റോഡ് പി.ടി.എ റഹീം എം.എൽ.എ ഉദ്ഘാടനം ചെയ്തു. തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി 12 ലക്ഷം രൂപയാണ് ഈ റോഡിൻ്റെ നവീകരണത്തിനായി അനുവദിച്ചിരുന്നത്.
കീഴ്മാട് അങ്ങാടിയിൽനിന്ന് കുണ്ടുകുളങ്ങര വഴി ഉമ്മളത്തൂരിൽ എത്തിച്ചേരുന്നതിനുള്ള എളുപ്പ മാർഗ്ഗമാണ് ഈ റോഡ്.
പെരുവയൽ ഗ്രാമപഞ്ചായത്ത് പ്രസിഡൻ്റ് എം.കെ സുഹറാബി അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ കെ.പി അശ്വതി, കെ.എം ഗണേശൻ, അനിൽകുമാർ കാരാട്ട്, എം.പി സന്തോഷ് സംസാരിച്ചു. ഗ്രാമപഞ്ചായത്ത് മെമ്പർ സുസ്മിത വിത്താരത്ത് സ്വാഗതവും പി.കെ അനിൽകുമാർ നന്ദിയും പറഞ്ഞു.
കുന്നമംഗലം പഞ്ചായത്തിൽ പ്രവൃത്തി പൂർത്തീകരിച്ച മൂന്ന് റോഡുകൾ എം.എൽ.എ ഉദ്ഘാടനം ചെയ്തു
കുന്നമംഗലം ഗ്രാമപഞ്ചായത്തിൽ താറിംഗ് പ്രവൃത്തി പൂർത്തീകരിച്ച മൂന്ന് റോഡുകളുടെ ഉദ്ഘാടനം പി.ടി.എ റഹീം എം.എൽ.എ നിർവ്വഹിച്ചു. ചെത്തുകടവ് മിനി കോഴഞ്ചേരിപ്പാടം റോഡ്, രാജീവ്ഗാന്ധി കോളനി റോഡ്, ഒറ്റപ്പിലാക്കിൽ കാഞ്ഞിരപ്പറമ്പ് റോഡ് എന്നിവയുടെ നവീകരണമാണ് നടത്തിയത്.
പ്രകൃതിക്ഷോഭ പുനരുദ്ധാരണ പദ്ധതിയിൽ ഉൾപ്പെടുത്തി 11 ലക്ഷം രൂപയായിരുന്നു ഈ റോഡുകൾക്കായി അനുവദിച്ചിരുന്നത്.
കുന്നമംഗലം ബ്ലോക്ക്പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ എൻ ഷിയോലാൽ അധ്യക്ഷത വഹിച്ചു. ബ്ലോക്ക്പഞ്ചായത്ത് മെമ്പർ പി ശിവദാസൻ നായർ, എം.എം രജയ്, പി രാജീവ്, കെ.കെ ഭരതൻ സംസാരിച്ചു.
