വ്യത്യസ്ത സംസ്ഥാനക്കാര് പരസ്പരം സംസാരിക്കുമ്പോള് ഇംഗ്ലീഷിലല്ല ഹിന്ദിയില് സംസാരിക്കണമെന്ന് ആഭ്യന്തര മന്ത്രി അമിത് ഷാ,പാര്ലമെന്ററി ഒഫീഷ്യല് ലാംഗ്വേജ് കമ്മിറ്റിയുടെ 37ാമത് മീറ്റിങ്ങില് പങ്കെടുത്ത് സംസാരിക്കുകയായിരുന്നു അമിത് ഷാ. കമ്മിറ്റിയുടെ ചെയര്മാന് കൂടിയാണ് അമിത് ഷാ.
മറ്റ് ഭാഷകള് സംസാരിക്കുന്ന, വിവിധ സംസ്ഥാനങ്ങളിലുള്ളവര് പരസ്പരം സംവദിക്കുമ്പോള്, അത് ഇന്ത്യയുടെ ഭാഷയില് തന്നെയായിരിക്കണം. ഹിന്ദിയിലായിരിക്കണം, ഇംഗ്ലീഷിലാവരുത്,” അമിത് ഷാ പറഞ്ഞു.സര്ക്കാര് ഔദ്യോഗിക ഭാഷ ഹിന്ദിയാക്കാന് പ്രധാനമന്ത്രി നരേന്ദ്രമോദി തീരുമാനിച്ചിട്ടുണ്ട്. ഇത് ഹിന്ദിയുടെ പ്രാധാന്യം വര്ധിപ്പിക്കും. രാജ്യത്തിന്റെ ഐക്യത്തിന് സര്ക്കാര് ഭാഷ ഹിന്ദിയാക്കേണ്ടത് അത്യാവശ്യമാണ്. മന്ത്രിസഭയുടെ 70 ശതമാനത്തോളം അജണ്ടകള് ഇപ്പോള് തന്നെ ഹിന്ദി ഭാഷയിലാണ് തയ്യാറാക്കുന്നതെന്നും പാര്ലമെന്റ് അംഗങ്ങളെ അമിത് ഷാ അറിയിച്ചു.ഇംഗ്ലീഷിന് ബദലായി ഉപയോഗിക്കേണ്ടത് പ്രാദേശിക ഭാഷകളല്ല, ഹിന്ദിയാണെന്നും ഇതിന് വേണ്ടി മറ്റ് പ്രാദേശിക ഭാഷകളില് നിന്നും ഹിന്ദിയിലേക്ക് വാക്കുകള് കടമെടുത്ത് ഹിന്ദിയെ കൂടുതല് ഫ്ളെക്സിബിള് ആക്കണമെന്നും ഷാ
കൂട്ടിച്ചേര്ത്തു.
