കോഴിക്കോട് സിറ്റി പരിധിയിലെ പോലീസ് സ്റ്റേഷനിലെ വനിതാ പ്രിന്സിപ്പല് എസ്.ഐ ഔദ്യോഗിക യൂണിഫോമിട്ട് സേവ് ദ ഡേറ്റ് ഫോട്ടോ ഷൂട്ട് നടത്തിയത് വിവാദത്തിൽ.ചിത്രം ഇപ്പോള് സമൂഹമാധ്യമങ്ങളില് വൈറലാണ്.രണ്ട് നക്ഷത്രങ്ങളും പേരുള്പ്പെടെ സബ് ഇന്സ്പക്ടര് ഓഫ് പൊലീസ് എന്നെഴുതിയ നെയിം പ്ലേറ്റും എസ്.ഐയായിരിക്കെ ലഭിച്ച മെഡലും ധരിച്ച യൂണിഫോമിലണിഞ്ഞാണ് എസ്.ഐ ഫോട്ടോഷൂട്ട് നടത്തിയത്.
കഴിഞ്ഞ ദിവസമാണ് വനിത എസ്.ഐയും പ്രതിശ്രുത വരനുമൊത്തുള്ള ഫോട്ടോഷൂട്ട് ചിത്രങ്ങള് സമൂഹ മാധ്യമങ്ങളില് ചര്ച്ചയായത്. ഒദ്യോഗിക വേഷത്തില് ഫോട്ടോഷൂട്ട് നടത്തിയത് സംബന്ധിച്ച വിവാദങ്ങള്ക്കും ഇതുകാരണമായി.പോലീസ് സേനാംഗങ്ങള് അവരുടെ വ്യക്തിപരമായ സമൂഹ മാധ്യമ അക്കൗണ്ടുകളില് ഔദ്യോഗിക യൂണിഫോമിട്ട് ഫോട്ടോകള് പോസ്റ്റ് ചെയ്യാന് പാടില്ലെന്ന് 2015-ല് തന്നെ ഡി.ജി.പിയുടെ ഉത്തരവുണ്ട്. ടി.പി സെന്കുമാര് ഡി.ജി.പി ആയിരിക്കേയാണ് സേനാംഗങ്ങള് സമൂഹമാധ്യമങ്ങളില് ഇടപെടുമ്പോള് പാലിക്കേണ്ട മാര്ഗനിര്ദേശത്തെക്കുറിച്ച് ഉത്തരവിറക്കിയത്
