വയനാട് തവിഞ്ഞാൽ പഞ്ചായത്തിലെ പുതിയിടത്ത് പുള്ളി പുലി കിണറ്റിൽ വീണു. മുത്തേടത്ത് ജോസിൻ്റെ വീട്ടുമുറ്റത്തെ കിണറ്റിലാണ് പുലി അകപ്പെട്ടത്. രാവിലെ ആറ് മണിയോടെയാണ് പുലി അകപ്പെട്ട വിവരം വീട്ടുകാർ അറിയുന്നത്.രാവിലെ കിണറ്റില്‍ നിന്നും വെള്ളം അടിച്ചിട്ടും വെള്ളകയറാത്തതിനെ തുടര്‍ന്നാണ് വീട്ടുകാര്‍ കിണര്‍ പരിശോധിച്ചത്. അപ്പോഴാണ് പുലിയെ കണ്ടത്. കിണറ്റിന് ഇട്ടിരുന്ന നെറ്റും തകര്‍ത്താണ് പുലി കിണറ്റില്‍ വീണത്. വനപാലകരെത്തി പുലിയെ രക്ഷിക്കാനുള്ള നടപടി തുടങ്ങിയിട്ടുണ്ട്.കുടിവെള്ളം മുട്ടിയെന്നാണ് വീട്ടുടമയുടെ പരാതി. കിണറ്റില്‍ നിന്നും വെള്ളം എത്തിക്കുന്ന പൈപ്പുകളെല്ലാം പുലി കടിച്ചുമുറിച്ചിട്ടുണ്ട്.
കുടിവെള്ളം മുട്ടിയെന്ന് വീട്ടുടമ;വയനാട് തവിഞ്ഞാലിൽ പുലി വീണത് വീട്ടിലെ കിണറ്റിൽ
