കോഴിക്കോട്: വലിയങ്ങാടിയിൽ ആറുപേർക്ക് കോവിഡ് സ്ഥിരീകരിച്ചതിനുപിന്നാലെ കൂടുതൽ നിയന്ത്രണങ്ങൾ ഏർപ്പെടുത്തി. ഇവിടത്തെ വ്യാപാരികളുമായി സമ്പർക്കമുണ്ടായ മറ്റു വ്യാപാരികൾ, തൊഴിലാളികൾ, സാധനങ്ങൾ വാങ്ങാനെത്തിയവർ എന്നിവരടക്കമുള്ളവരോട് ക്വാറൻന്റീനിൽ പോവാൻ നിർേദ്ദശിച്ചു. രോഗം സ്ഥിരീകരിച്ച വ്യാപാരിയുടെയും സമീപത്തെയും ഉൾപ്പെടെ ആറുകടകൾ അടപ്പിച്ചു.
ആളുകൾ കൂടുതലായി എത്താതരിക്കാൻ വലിയങ്ങാടിയിലേക്കുള്ള വിവിധ വഴികളിൽ നിയന്ത്രണങ്ങൾ ഏർപ്പെടുത്തിയിട്ടുണ്ട്. നിരീക്ഷണവും ശക്തമാക്കി.
