ശനിയാഴ്ച മുതല് ഏര്പ്പെടുത്തുന്ന ലോക്ഡൗണില് ഇപ്പോള് പ്രഖ്യാപിക്കപ്പെട്ടിരിക്കുന്ന നിയന്ത്രണങ്ങള് കൂടുതല് കര്ശനമാക്കാന് സാധ്യത.സംസ്ഥാനത്ത് നാളെ മുതല് തുടങ്ങുന്ന ലോക്ഡൗണിനായി ഇറക്കിയ സര്ക്കാര് ഉത്തരവില് പൊലീസിന് അതൃപ്തിയുണ്ട് . നിലവില് നല്കിയ ഇളവുകള് കുറയ്ക്കണമെന്നാണ് പൊലീസ് ആവശ്യപ്പെടുന്നത്.
ഇളവുകള് നല്കിയാല് ലോക്ഡൗണ് ഫലപ്രദമായി നടപ്പാക്കാനാകില്ലെന്നാണ് വിലയിരുത്തല്.നിയന്ത്രണങ്ങളും ഇളവുകളും സംബന്ധിച്ച് ഇന്നലെ ഇറങ്ങിയ ചീഫ് സെക്രട്ടറിയുടെ ഉത്തരവ് സംബന്ധിച്ച് പോലീസിന് ചില അഭിപ്രായവ്യത്യാസങ്ങള് ഉണ്ട്. വലിയ ഇളവുകള് നല്കിക്കൊണ്ട് ലോക്ഡൗണ് എങ്ങനെ നടപ്പാക്കും എന്നതിലാണ് ആശയക്കുഴപ്പം. ഇക്കാര്യം മുഖ്യമന്ത്രിയുടെ ഓഫീസിനെയും ചീഫ് സെക്രട്ടറിയേയും പോലീസ് അറിയിച്ചിട്ടുണ്ട്.
നിര്മാണ മേഖലയ്ക്ക് കൂടുതല് ഇളവ് നല്കിയാല് കൂടുതല് ആള്ക്കാര് പുറത്തിറങ്ങുന്ന സാഹചര്യം ഉണ്ടാകുമെന്ന് പോലീസ് പറയുന്നു. അത് ജനങ്ങളെ നിയന്ത്രിക്കുന്നതിന് വലിയ ബുദ്ധിമുട്ട് സൃഷ്ടിക്കും. സഹകരണ മേഖലയില് അടക്കമുള്ള സാമ്പത്തിക സ്ഥാപനങ്ങള്ക്ക് അനുമതി നല്കുന്നതും കൂടുതല് പേര് പുറത്തിറങ്ങുന്നതിന് വഴിയൊരുക്കും. കടകളുടെ പ്രവര്ത്തന സമയം പരമാവധി അഞ്ച് മണിക്കൂര് ആയി നിശ്ചയിക്കണമെന്നും പോലീസ് ആവശ്യപ്പെടുന്നു. ഈ സാഹചര്യത്തില് പൂര്ണമായ ലോക്ഡൗണ് മാത്രമേ പ്രയോജനം ചെയ്യൂ എന്നും പോലീസ് പറയുന്നു.
നിയന്ത്രണങ്ങള് എങ്ങനെ നടപ്പാക്കണം എന്ന് ചര്ച്ചചെയ്യുന്നതിന് ഇന്ന് 11 മണിക്ക് നടക്കുന്ന പോലീസിന്റെ യോഗത്തില് ഇളവുകള് വെട്ടിക്കുറയ്ക്കുന്നത് സംബന്ധിച്ച് ചര്ച്ച ഉണ്ടാകും. പോലീസിന്റെ നിലപാട് കൂടി പരിഗണിച്ച ശേഷം മിക്കവാറും സര്ക്കാരിന്റെ ഭാഗത്തുനിന്ന് പുതിയ ഉത്തരവ് ഇറങ്ങിയേക്കുമെന്നാണ് കരുതുന്നത്.
അവശ്യവസ്തുക്കളും മരുന്നും വാങ്ങാന് സ്വകാര്യ വാഹനങ്ങള് നിരത്തിലിറക്കാമെന്ന് സര്ക്കാര് ലോക്ക്ഡൗണ് മാര്ഗ നിര്ദേശങ്ങളില് വ്യക്തമാക്കിയിരുന്നു. കൊവിഡ് വാക്സിനേഷനു വേണ്ടിയും സ്വന്തം വാഹനങ്ങളില് പോവാമെന്ന് സര്ക്കാര് പറഞ്ഞിരുന്നു.
