മുഖ്യമന്ത്രിയുടെ പ്രൈവറ്റ് സെക്രട്ടറി കെ. കെ രാഗേഷിന്റെ ഭാര്യയുടെ നിയമനത്തില് വിശദീകരണം തേടി ഗവര്ണര്. പ്രിയ വര്ഗീസിന്റെ അധ്യാപക നിയമനം ചട്ടവിരുദ്ധമെന്ന പരാതിയിലാണ് ഗവര്ണറുടെ നടപടി.
പരാതി കിട്ടിയാല് ചവറ്റുകുട്ടയില് ഇടാന് കഴിയില്ല. സ്വഭാവികമായും ഉത്തരവാദിത്തപ്പെട്ടവരോട് വിശദീകരണം തേടും. മാധ്യമങ്ങളോട് സംസാരിക്കാന് തയ്യാറല്ലെന്നും ഗവര്ണര് പറഞ്ഞു. തൃശ്ശൂര് കേരള വര്മ്മ കോളേജില് അധ്യാപികയായിരുന്നു പ്രിയ വര്ഗീസ്. കഴിഞ്ഞ നവംബറില് വൈസ് ചാന്സ്ലറുടെ കാലാവധി നീട്ടുന്നതിനു തൊട്ടുമുന്പ് അവരുടെ അഭിമുഖം നടത്തി ഒന്നാം റാങ്ക് നല്കിയ നടപടി വിവാദമായിരുന്നു. വിവാദത്തെ തുടര്ന്ന് നിയമനം നല്കാതെ റാങ്ക് പട്ടിക മാറ്റിവെച്ചിരിക്കുകയായിരുന്നു. എന്നാല് കഴിഞ്ഞ മാസം ചേര്ന്ന സര്വകലാശാല സിന്ഡിക്കേറ്റ് യോഗം പട്ടിക അംഗീകരിച്ചു.
എന്നാല് യുജിസി ചട്ടപ്രകാരം എട്ട് വര്ഷത്തെ അധ്യാപന പരിചയമില്ലാതെയാണ് പ്രിയ വര്ഗീസിന് കണ്ണൂര് സര്വകലാശാലയില് അസോസിയേറ്റ് പ്രൊഫസര് ഒഴിവില് ഒന്നാം റാങ്ക് നല്കിയതെന്നാണ് പരാതി.
