സൂപ്പർ കപ്പിൽ കേരള ബ്ലാസ്റ്റേഴ്സിന്റെ പരിശീലകനായി ഫ്രാങ്ക് ഡോവനെ നിയമിച്ചു. ബെല്‍ജിയംകാരനായ ഡോവന്‍ നിലവിൽ ടീമിന്റെ സഹ പരിശീലകനാണ്. കോച്ച് ഇവാന്‍ വുകാമാനോവിച്ച് 10 മത്സരങ്ങളില്‍ വിലക്ക് നേരിടുന്നതിനാലാണ് ഡോവന്‍ ടീമിനെ പരിശീലിപ്പിക്കുന്നത്. ബെല്‍ജിയം ക്ലബ്ബ് ബിര്‍സ്‌കോട്ടിനെയും സൗദി ക്ലബ്ബ് അല്‍ അഹ്ലിയുടെ യൂത്ത് ടീമിനെയും ഡോവന്‍ പരിശീലിപ്പിച്ചിട്ടുണ്ട്.
ടീമിന്റെ മറ്റൊരു സഹപരിശീലകനായിരുന്ന ഇഷ്ഫാഖ് അഹമ്മദിന്റെ പേര് പരിശീലക സ്ഥാനത്തേക്ക് സജീവമായി കേട്ടിരുന്നു. 10 മത്സരങ്ങളുടെ വിലക്കുള്ളതിനാല്‍ ഡ്യൂറന്റ് കപ്പിലും ബ്ലാസ്റ്റേഴ്‌സിനെ ഡോവന്‍ തന്നെ പരിശീലിപ്പിക്കാനാണ് സാധ്യത.
