വിമാനത്തിൽ സഹയാത്രികക്ക് നേരെ അതിക്രമം നടത്തിയ സംഭവത്തിൽ പ്രതി ശങ്കർ മിശ്രക്കെതിരെ ലുക്ക് ഔട്ട് നോട്ടീസ് പുറത്തിറക്കി. വ്യാജ മേല്വിലാസമാണ് പ്രതി പൊലീസിന് നല്കിയത്. മുംബൈയില് ബന്ധു വാടകയ്ക്ക് താമസിക്കുന്ന വിലാസമാണ് സ്വന്തം മേല്വിലാസമായി പ്രതി നല്കിയത്. ഇയാള് താമസിക്കുന്നത് ലക്നൌവിലെന്ന് ബന്ധുക്കള് പറഞ്ഞു.കേസിലെ പ്രതിയായ ശങ്കർ മിശ്ര ഒരു അമേരിക്കൻ കമ്പനിയുടെ ഇന്ത്യയിലെ വൈസ് പ്രസിഡൻ്റാണ്. മുംബൈയിൽ എത്തിയ ദില്ലി പൊലീസ് സംഘത്തിന് ഇയാളെ കണ്ടെത്താനായിട്ടില്ല. എയര് ഇന്ത്യയിലെ നാല് ജീവനക്കാരുടെ മൊഴി പൊലീസ് ശേഖരിച്ചിട്ടുണ്ട്. അതേസമയം എയര് ഇന്ത്യക്കും പൈലറ്റിനും വിമാനത്തിലെ മറ്റ് ജീവനക്കാര്ക്കും ഡിജിസിഎ കാരണം കാണിക്കല് നോട്ടീസ് നല്കി. രണ്ടാഴ്ചയ്ക്കകം മറുപടി നല്കാനാണ് ആവശ്യപ്പെട്ടിരിക്കുന്നത്. സംഭവം കൈകാര്യംചെയ്തതില് വീഴ്ച സംഭവിച്ചതിന് എയര് ഇന്ത്യക്കെതിരെ ഡിജിസിഎ രൂക്ഷ വിമര്ശനം ഉന്നയിച്ചിട്ടുണ്ട്.