കേന്ദ്ര സര്ക്കാര് പ്രസിദ്ധീകരിച്ച സ്വാതന്ത്ര്യ സമര രക്തസാക്ഷി നിഘണ്ടുവില് നിന്ന് അഞ്ചാം വാല്യം ഒഴിവാക്കി.വാരിയംകുന്നത്ത് കുഞ്ഞഹമ്മദ് ഹാജി അടക്കമുള്ളവരെ കുറിച്ചുള്ള വിശദാംശങ്ങളാണ് നീക്കം ചെയ്തത്.സ്വാതന്ത്ര്യ സമരത്തില് വ്യത്യസ്ത സംസ്ഥാനങ്ങളില് നിന്ന് പങ്കാളികളായവരുടെ
പേരാണ് ഡിക്ഷണറി ഓഫ് മാര്ട്ടയേഴ്സ് ഇൻ’ഇന്ത്യാസ് ഫ്രീഡം സ്ട്രഗിള് എന്ന പേരിൽ പ്രസി ദ്ധീകരിച്ചത്.പുസ്തകം പ്രധാനമന്ത്രി നരേന്ദ്ര മോദിയാണ് പുറത്തിറക്കിയത്.
ആന്ധ്ര പ്രദേശ്, തെലങ്കാന, കേരളം, കര്ണാടക, തമിഴ്നാട് എന്നീ സംസ്ഥാനങ്ങളിലെ രക്തസാക്ഷികളെയാണ് അഞ്ചാം വാല്യത്തില് പരാമര്ശിച്ചിരുന്നത്. .ഏത് സാഹചര്യത്തിലാണ് അഞ്ചാം വാല്യം ഒഴിവാക്കിയത് എന്ന് വിശദ്ധീകരണം ഇല്ല.മലബാര് വിപ്ലവ ചരിത്രത്തെക്കുറിച്ച് പൃഥിരാജ് നായകനായി ആഷിക് അബു സംവിധാനം ചെയ്യാനൊരുങ്ങുന്ന വാരിയന്കുന്നന് എന്ന ചിത്രത്തിന്റെ പ്രഖ്യാപനത്തിനെതിരെ ഹിന്ദുഐക്യവേദിയും ബി.ജെ.പി നേതാക്കളും പരസ്യമായി രംഗത്ത് വന്നിരുന്നു.മലബാര് സമരം ഹിന്ദു വിരുദ്ധമായിരുന്നെന്ന് സംഘപരിവാര് നേതാക്കളടക്കം വലിയ രീതിയില് പ്രചരണങ്ങള് നടത്തുന്ന സമയത്ത് തന്നെയായിരുന്നു പ്രധാനമന്ത്രി പുറത്തിറക്കിയ സ്വാതന്ത്ര്യസമര രക്തസാക്ഷിപ്പട്ടികയില് വാരിയന്കുന്നത്തിന്റെ പേരും ഇടം പിടിച്ചത്. ഒഴിവാക്കണമെന്ന് ആവശ്യപ്പെട്ട് ഹിന്ദു ഐക്യവേദിയടക്കമുള്ള സംഘടനകള് രംഗത്തെത്തിയിരുന്നു.
മലബാര് കലാപത്തില് ഏര്പ്പെട്ടവര് ഹിന്ദു വംശഹത്യയ്ക്ക് നേതൃത്വം നല്കിയവരാണെന്നും വാരിയന് കുന്നത്ത് കുഞ്ഞഹമ്മദ് ഹാജി, ആലി മുസലിയാര് എന്നിവരുടെ പേരുകള് പ്രസിദ്ധീകരണത്തിൽ ഉള്ളത് ഞെട്ടലുളവാക്കുന്നുവെന്നുംഹിന്ദു ഐക്യവേദി അധ്യക്ഷ കെ.പി ശശികല ഫേസ്ബുക്കില് കുറിച്ചിരുന്നു.
