കൊടകര കുഴല്പ്പണ കേസില് നാളെ ചോദ്യം ചെയ്യലിന് ഹാജരാകാനായി അന്വേഷണ സംഘം ബി ജെ പി സംസ്ഥാന അധ്യക്ഷൻ കെ സുരേന്ദ്രന്റെ വീട്ടിലെത്തി നോട്ടീസ് നല്കിയിരുന്നു. എന്നാൽ കുഴൽപ്പണ കേസില് നാളെ ഹാജരാകാന് സാധിക്കില്ലെന്നും എന്ന് ഹാജരാവണമെന്ന് തീരുമാനിച്ചിട്ടില്ലെന്നും സുരേന്ദ്രന് പറഞ്ഞു. ചൊവ്വാഴ്ച കാസര്കോട്ട് ബിജെപി സംസ്ഥാന നേതൃയോഗം ചേരുന്ന സാഹചര്യത്തില് ഹാജരാകന് സാധിച്ചേക്കില്ലെന്ന് സുരേന്ദ്രന് നേരത്തെ വ്യക്തമാക്കിയിരുന്നു.
സ്വർണക്കടത്ത് കേസിൽ സിപിഎം നേതാക്കൾ പ്രതിരോധത്തിലായതിൽ നിന്ന് ശ്രദ്ധ തിരിക്കാനുള്ള നീക്കമാണ് തനിക്കെതിരായ ക്രൈംബ്രാഞ്ച് നോട്ടീസിന് പിന്നിലെന്നായിരുന്നു സുരേന്ദ്രൻ മാധ്യമങ്ങളോട് പറഞ്ഞത്.
