വടകരയിലെ മിന്നുംവിജയത്തിന് ശേഷം പുതുപ്പള്ളിയിലെ ഉമ്മന്ചാണ്ടിയുടെ കല്ലറയില് പ്രാര്ത്ഥിച്ച് ഷാഫി പറമ്പില്. ലോക്സഭാ തെരഞ്ഞെടുപ്പില് തനിക്കെതിരെ വടകരയില് ഉയര്ന്ന എല്ലാ ആരോപണങ്ങള്ക്കുമുള്ള മറുപടിയാണ് യു.ഡി.എഫ് നേടിയ വിജയമെന്ന് ഷാഫി പറമ്പില് പറഞ്ഞു. വടകരയുടെ രാഷ്ട്രീയ വിജയമാണ് ഇന്നലെ കണ്ടത്. വ്യാജ സ്ക്രീന് ഷോട്ടിന് പിന്നാല് ആരാണെന്ന് കണ്ടെത്തണം. വടകരയില് വര്ഗീയത പറഞ്ഞ് ഭിന്നിപ്പിക്കാന് നോക്കിയെന്നും ഷാഫി പ്രതികരിച്ചു.
സ്ഥാനാര്ത്ഥി പ്രഖ്യാപനത്തിന് പിന്നാലെ പുതുപ്പള്ളിയിലെ ഉമ്മന്ചാണ്ടിയുടെ കല്ലറയില് പ്രാര്ത്ഥിച്ചു തുടങ്ങിയ ഷാഫി, വിജയത്തിന് ശേഷവും ആദ്യമെത്തിയത് അവിടേക്കുതന്നെ.
