കരിപ്പൂര് അന്താരാഷ്ട്ര വിമാനത്താവളത്തിലെ രണ്ട് കസ്റ്റംസ് ഉദ്യോഗസ്ഥര്ക്ക് സസ്പെന്ഷന്. കസ്റ്റംസ് സൂപ്രണ്ട് പ്രമോദ് സബിത, ഹവീല്ദാര് സനിത് എന്നിവരെയാണ് അന്വേഷണ വിധേയമായി സസ്പെന്ഡ് ചെയ്തത്. യാത്രക്കാരന് കടത്തിയ സ്വര്ണ്ണ ക്യാപ്സ്യൂളുകള് കൈക്കലാക്കിയെന്ന പരാതിയിലാണ് നടപടി.
ജൂലൈ 26 ന് വിമാനത്താവളത്തില് നിന്ന് പുറത്തെത്തിയ ഷിഹാബ് എന്ന യാത്രക്കാരനെ സ്വര്ണ്ണ കടത്തുമായി ബന്ധപ്പെട്ട രഹസ്യ വിവരത്തിന്റെ അടിസ്ഥാനത്തില് കേരള പൊലീസ് സംഘം പരിശോധിച്ചിരുന്നു. എന്നാല് ഷിഹാബിന്റെ പക്കല് നിന്ന് സ്വര്ണ്ണം കണ്ടെത്താനായില്ല. താന് കടത്തി കൊണ്ടുവന്ന കാപ്സ്യൂള് രൂപത്തിലുള്ള സ്വര്ണ്ണം വിമാനത്താവളത്തിലെ പരിശോധനയ്ക്കിടെ കസ്റ്റംസ് ഉദ്യോഗസഥര് കൈക്കലാക്കിയെന്നായിരുന്നു ഷിഹാബ് പൊലീസിന് നല്കിയ മൊഴി.
ഷിഹാബിന്റെ മൊഴി പൊലീസ് സംഘം കസ്റ്റംസിനെ അറിയിച്ചു. ഇതിന്റെ അടിസ്ഥാനത്തിലാണ് ഷിഹാബിനെ പരിശോധിച്ച കസ്റ്റംസ് ഉദ്യോഗസ്ഥര്ക്കെതിരെ നടപടിയെടുത്തത്.
