ലോക്സഭാ തെരഞ്ഞെടുപ്പ് വോട്ടെണ്ണൽ പുരോഗമിക്കുമ്പോൾ വാരാണസിയിൽ പ്രധാനമന്ത്രി നരേന്ദ്ര മോദി പിന്നിൽ. ആദ്യ റൗണ്ടിൽ കോൺഗ്രസ് സ്ഥാനാര്ത്ഥി അജയ് റായ് 11480 വോട്ട് നേടി. പ്രധാനമന്ത്രി നരേന്ദ്ര മോദി 5257 വോട്ട് മാത്രമാണ് നേടിയത്. 6223 വോട്ടിനാണ് പ്രധാനമന്ത്രി ആദ്യ റൗണ്ടിൽ പിന്നിലായത്. ഏഴ് സ്ഥാനാര്ത്ഥികളിൽ ബിഎസ്പി സ്ഥാനാര്ത്ഥിയാണ് മൂന്നാം സ്ഥാനത്ത്. ഏറ്റവും ഒടുവിൽ വിവരം ലഭിക്കുമ്പോൾ എക്സിറ്റ് പോൾ പ്രവചനങ്ങൾ അപ്രസക്തമാകുന്ന നിലയിലാണ് ഇന്ത്യ സഖ്യത്തിൻ്റെ മുന്നേറ്റം. 500 സീറ്റുകളിലെ ഫല സൂചന പുറത്തുവരുമ്പോൾ 244 സീറ്റുകളിൽ വീതം എൻഡിഎയും ഇന്ത്യ സഖ്യവും മുന്നിലാണ്. അതേസമയം കേരളത്തിൽ വയനാട്ടിൽ രാഹുൽ ഗാന്ധി ലീഡ് തുടരുന്നു. ഇത്തവണയും രാഹുൽ ഗാന്ധിയ്ക്ക് ഒപ്പം തന്നെയാകും വയനാട് എന്നാണ് പ്രതീക്ഷ. നിലവിൽ ഇരുപതിനായിരം കടന്ന് ആണ് രാഹുൽ നിൽക്കുന്നത്.
ആദ്യഘട്ടത്തിൽ വാരണാസിയിൽ നരേന്ദ്രമോദി പിന്നിൽ; വയനാട്ടിൽ രാഹുൽ ഗാന്ധി ലീഡ് തുടരുന്നു
![](https://kunnamangalamnews.com/wp-content/uploads/2024/06/IMG-20240604-WA0005.jpg)