കൊച്ചി: പൂക്കോട് വെറ്ററിനറി സര്വകലാശാല വിദ്യാര്ഥിയായിരുന്ന സിദ്ധാര്ഥന്റെ മരണത്തെ കുറിച്ചുള്ള സര്വകലാശാലയുടെ ആഭ്യന്തര അന്വേഷണം പൂര്ത്തിയാക്കാന് സമയപരിധി നിശ്ചയിച്ച് ഹൈക്കോടതി. മാര്ച്ച് 31നകം അന്വേഷണം പൂര്ത്തിയാക്കണമെന്ന് ഹൈക്കോടതി നിര്ദേശിച്ചു.
മെയ് 19 വരെ സമയം അനുവദിക്കണമെന്ന സര്വകലാശാലയുടെ ആവശ്യം ഡിവിഷന് ബെഞ്ച് അംഗീകരിച്ചില്ല. കേസിലെ പ്രതികളായ വിദ്യാര്ഥികള്ക്ക് മണ്ണുത്തി ക്യാമ്പസില് പ്രവേശനം അനുവദിച്ച സിംഗിള് ബെഞ്ച് ഉത്തരവിനെതിരെ സിദ്ധാര്ഥന്റെ അമ്മ സമര്പ്പിച്ച അപ്പീലിലാണ് നടപടി.സിംഗിള് ബെഞ്ച് ഉത്തരവ് ഡിവിഷന് ബഞ്ച് സ്റ്റേ ചെയ്തിരുന്നു. പ്രതികളുടെ പ്രവേശനം വിലക്കിയ ഇടക്കാല ഉത്തരവ് തുടരും.
