കുന്ദമംഗലം ഗ്രാമപഞ്ചായത്തില്‍ ടാറിംഗ് പ്രവൃത്തി പൂര്‍ത്തീകരിച്ച കുന്നുമ്മല്‍താഴം കോട്ടാംപറമ്പ് റോഡ് പി.ടി.എ റഹീം എം .എല്‍.എ ഉദ്ഘാടനം ചെയ്തു. പ്രകൃതിക്ഷേഭ പുനരുദ്ധാരണ പദ്ധതിയില്‍ ഉള്‍പ്പെടുത്തി അനുവദിച്ച 3 ലക്ഷം രൂപ ചെലവിലാണ് റോഡിന്‍റെ നവീകരണം നടത്തിയത്.
കോഴിക്കോട് കോര്‍പറേഷന്‍ അതിര്‍ത്തിയിലുള്ള ഈ റോഡ് പൊട്ടിപ്പാളിഞ്ഞ് കിടക്കുന്നതുമൂലമുള്ള ദുരിതം പരിഹരിക്കുന്നതിന് വയലോരം റസിഡന്‍സ് അസോസിയേഷന്‍ എം.എൽ.എക്ക് നല്‍കിയ നിവേദനത്തെ തുടര്‍ന്നാണ് പ്രസ്തുത തുക അനുവദിച്ചിരുന്നത്.
കുന്ദമംഗലം ഗ്രാമപഞ്ചായത്ത് വൈസ് പ്രസിഡന്റ് വി അനില്‍കുമാര്‍ അധ്യക്ഷത വഹിച്ചു. കെ.പി കോയ, എ ശിവാനന്ദന്‍, വി സുനില്‍കുമാര്‍, എ സദാനന്ദന്‍ സംസാരിച്ചു. വാര്‍ഡ് മെമ്പര്‍ ഷാജി ചോലക്കല്‍മീത്തൽ സ്വാഗതവും കണ്‍വീനര്‍ എന്‍.പി അബ്ദുസലാം നന്ദിയും പറഞ്ഞു.
