കോഴിക്കോട്: കൂടത്തായിലെ ഒരു കുടുംബത്തിലെ ആറ് പേര് ദുരൂഹ സാഹചര്യത്തില് മരിച്ച സംഭവത്തില് മൃതദേഹങ്ങള് അടക്കിയ കല്ലറകള് തുറന്ന് പരിശോധിക്കാന് ക്രൈംബ്രാഞ്ച് ഒരുങ്ങുന്നു. വര്ഷങ്ങളുടെ ഇടവേളയില് സമാനരീതിയില് കൊലപാതകം നടന്നതിന്റെ പശ്ചാത്തലത്തിലാണ് തീരുമാനം. ഇതിനുള്ള അനുമതി ജില്ലാ ഭരണകൂടം ക്രൈംബ്രാഞ്ചിന് നല്കി. വെള്ളിയാഴ്ച കല്ലറകള് തുറന്ന് ഫോറന്സിക് പരിശോധന നടത്താനാണ് ക്രൈംബ്രാഞ്ചിന്റെ തീരുമാനം. മരണപ്പെട്ട നാല് പേരുടെ മൃതദേഹങ്ങള് അടക്കിയത് കൂടത്തായി ലൂര്ദ്ദ് മാത പള്ളി സെമിത്തേരിയിലും രണ്ട് പേരുടേത് കോടഞ്ചേരി പള്ളി സെമിത്തേരിയിലുമാണ്. ഇതില് കൂടത്തായി പള്ളിയിലെ കല്ലറയാണ് വെള്ളിയാഴ്ച തുറന്ന് പരിശോധന നടത്തുക. വെള്ളിയാഴ്ച രാവിലെ ഒന്പതരയോടെ കല്ലറ തുറക്കാനാണ് തീരുമാനം. ഇക്കാര്യം ക്രൈംബ്രാഞ്ച് സംഘം ബന്ധുക്കളേയും പള്ളി അധികൃതരേയും അറിയിച്ചു. ആര്ഡിഒയുടെ അനുവാദവും ക്രൈബ്രാഞ്ച് സംഘം നേടിയിട്ടുണ്ട്. ഫോറന്സിക് പരിശോധനയ്ക്ക് ശേഷം ബ്രെയിന് മാപ്പിംഗ് അടക്കമുള്ള പരിശോധനകളും നടത്താന് ക്രൈംബാഞ്ചിന് ആലോചനയുണ്ട്. ആവശ്യമെങ്കില് രണ്ട് പേരെ അടക്കം ചെയ്ത കോടഞ്ചേരിപള്ളി സെമിത്തേരിയിലെ കല്ലറയിലും പരിശോധന നടത്താനാണ് ക്രൈംബ് തീരുമാനം.
കൂടത്തായിയിലെ ദുരൂഹമരണങ്ങള്: ക്രൈംബ്രാഞ്ച് മൃത്ദേഹങ്ങള് അടക്കിയ കല്ലറ തുറന്ന് പരിശോദിക്കും
