ഇടുക്കി പണിക്കൻകുടിയിൽ മൂന്ന് ആഴ്ച മുൻപ് കാണാതായ വീട്ടമ്മയുടെ മൃതദേഹം അയൽക്കാരന്റെ അടുക്കളയിൽ കുഴിച്ചുമൂടിയ നിലയിൽ.സിന്ധു (45)വിന്റെ മൃതദേഹമാണ് അയല്വാസിയായ ബിനോയിയുടെ അടുക്കളയില് കുഴിച്ചിട്ട നിലയില് കണ്ടെത്തിയത്. സംഭവത്തിന് ശേഷം ഒളിവില് പോയ ബിനോയിക്ക് വേണ്ടി പൊലീസ് തെരച്ചില് നടത്തിവരികയാണ്.സിന്ധുവിനെ കാണാതായതിന് പിന്നില് ബിനോയിക്ക് പങ്കുണ്ടെന്ന് ബന്ധുക്കള് ആരോപിച്ചു.
കഴിഞ്ഞ മാസം 12നാണ് സിന്ധുവിനെ കാണാതായത്. തുടര്ന്ന് കുടുംബം വെള്ളത്തൂവല് പൊലീസില് പരാതി നല്കി.സിന്ധുവിനെ കാണാതായതിന് പിന്നാലെ പൊലീസ് വ്യാപകമായ പരിശോധന നടത്തിയെങ്കിലും യാതൊരു സൂചനയും ലഭിച്ചിരുന്നില്ല. ചില വിവരങ്ങളുടെ അടിസ്ഥാനത്തിലാണ് ഇന്ന് ബിനോയിയുടെ വീട്ടിലെ അടുക്കള കുഴിച്ച് നോക്കിയത്. ഒളിവില് പോയ ബിനോയിയെ പിടികൂടാനുള്ള ശ്രമത്തിലാണ് പൊലീസ്. കുറച്ച് നാളുകള്ക്ക് മുമ്പാണ് ഇളയ മകനുമൊത്ത് സിന്ധു പണിക്കന്കുടിയില് താമസം തുടങ്ങിയത്.
