ലയണൽ മെസ്സിയെ മാർക്ക് ചെയ്യാൻ സ്വപ്നത്തിലോ പ്ലേ സ്റ്റേഷനിലോ സാധിക്കുകയുള്ളൂവെന്ന് നാപോളി പരിശീലകൻ ഗെന്നരോ ഗട്ടൂസോ. നാപോളി – ബാഴ്സലോണ മത്സരം നടക്കാനിരിക്കെ നടത്തിയ പത്ര സമ്മേളനത്തിലാണ് പരിശീലകൻ ഇക്കാര്യം വ്യക്തമാക്കിയത്. ചാമ്പ്യൻസ് ലീഗിലെ ആദ്യ പാദ മത്സരത്തിൽ ഓരോ ഗോൾ വീതം നാപോളിയും ബാഴ്സയും അടിച്ചിരുന്നു.
സീരി എയിൽ അവസാന മത്സരത്തിൽ എതിരാളികളായ ലാസിയോയെ ഒന്നിനെതിരെ മൂന്ന് ഗോളുകൾക്ക് പരാജയപ്പെടുത്തിയാണ് നാപോളി സീസൺ അവസാനിപ്പിച്ചത്. ഈ വമ്പൻ വിജയത്തിന്റെ ആത്മവിശ്വാസവുമായാണ് നാപോളി ചാമ്പ്യൻസ് ലീഗിലേക്കിറങ്ങുന്നത്.
വരുന്ന ഞായർ 12 :30 തിനാണ് അടുത്ത മത്സരം.
