തൃക്കാക്കരയിലൂടെ കേരള നിയമസഭയില് എല്ഡിഎഫ് മൂന്നക്കം തികയ്ക്കുമെന്ന് എല്ഡിഎഫ് കണ്വീനര് ഇ പി ജയരാജന്. തൃക്കാക്കര ഉപതെരഞ്ഞെടുപ്പില് ഇടത് മുന്നണി വിജയിക്കുമെന്ന ഇ പി ജയരാജന് ആത്മവിശ്വാസം പ്രകടിപ്പിച്ചു.
തൃക്കാക്കര യുഡിഎഫിന്റെ പൊന്നാപുരം കോട്ടയാണെങ്കില് ഇടിച്ചു തകര്ക്കുമെന്ന് അദ്ദേഹം പറഞ്ഞു. അത് തലയില് വീഴാതെ ചെന്നിത്തല നോക്കണമെന്നും എല്ഡിഎഫ് കണ്വീനര് പ്രതികരിച്ചു.
തൃക്കാക്കരയില് സഹതാപത്തെ മാത്രം ആശ്രയിച്ച് മത്സരിക്കുന്നവരോട് ഒന്നും പറയാനില്ല. എല്ഡിഎഫ് വികസനത്തിന്റെ രാഷ്ട്രീയം പറഞ്ഞാണ് തെരഞ്ഞെടുപ്പിനെ നേരിടുക. തെരഞ്ഞെടുപ്പില് കെ റെയില് ചര്ച്ച ചെയ്യട്ടെയെന്നും കെ റെയില് ജനവികാരം അനുകൂലമാക്കുമെന്നും അദ്ദേഹം പറഞ്ഞു.
