നെടുമ്പാശേരി വിമാനത്താവളത്തിലെ സ്വർണക്കടത്ത് കേസിൽ തമിഴ്-കന്നഡ നടി അക്ഷര റെഡ്ഡിയെ എൻഫോഴ്സ്മെന്റ് ഡയരക്ടറേറ്റ് ചോദ്യം കോഴിക്കോട് ചെയ്യുന്നു. കോഴിക്കോട് ഇഡി ഓഫീസിൽ വെച്ചാണ് ചോദ്യം ചെയ്യൽ നടക്കുന്നത്. 2013 ല് വടകര സ്വദേശി ഫായിസ് ഉള്പ്പെട്ട നെടുമ്പാശേരി സ്വര്ണക്കടത്ത് കേസുമായി ബന്ധപ്പെട്ടാണ് ചോദ്യം ചെയ്യല് എന്നാണ് വിവരം. ഇന്ന് രാവിലെയാണ് താരം ചോദ്യംചെയ്യലിനെത്തിയത്.
2013 ൽ നെടുമ്പാശേരി വിമാനത്താവളം വഴി കടത്താൻ ശ്രമിച്ച 20 കിലോഗ്രാം സ്വർണം കസ്റ്റംസ് പിടികൂടിയിരുന്നു. കേസിലെ മുഖ്യപ്രതിയായ വടകര സ്വദേശി ഫായിസിന്റെ ഉന്നത ബന്ധങ്ങൾ നേരത്തെ വിവാദമായിരുന്നു. ഇതുമായി ബന്ധപ്പെട്ടാണ് നടിയെ ചോദ്യം ചെയ്യുന്നത്. മോഡൽ രംഗത്തും പ്രവർത്തിക്കുന്ന അക്ഷര റെഡ്ഡി നേരത്തെ ബിഗ് ബോസ് തമിഴിലും പങ്കെടുത്തിരുന്നു.
സ്വർണ്ണക്കടത്ത് കേസ്;നടി അക്ഷര റെഡ്ഡിയെ കോഴിക്കോട്ട് ചോദ്യം ചെയ്യുന്നു
