പന്തീര്‍പാടം – പയമ്പ്ര റോഡിന്റെ പന്തീര്‍പാടം മുതല്‍ പുഴയ്ക്കല്‍ പാലം വരെയുള്ള റോഡിന്റെ ശോചനീയാവസ്ഥ പരിഹരിക്കണമെന്ന് ആവശ്യപ്പെട്ട് കൊണ്ട് വാര്‍ഡ് മെമ്പര്‍ എം ബാബുമോന്റെ നേതൃത്വത്തില്‍ നാട്ടുകാര്‍ പിഡബ്യുഡി എഇ വി മുഹ്‌സിനെ ഉപരോധിച്ചു. പയമ്പ്ര വഴി കോഴിക്കോട് പോവുന്ന നിരവധി ബസ്സുകള്‍ ഈ റോഡില്‍ കൂടിയാണ് പോവുന്നത് രണ്ടു മദ്രസ്സയിലേക്ക് പോവുന്ന കുട്ടികള്‍ ഇതു വഴിയാണ് സഞ്ചരിക്കുന്നത്.
ഒരുപാട് പേര്‍ യാത്ര ചെയ്യുന്ന ഈ റോഡ് തകര്‍ന്നിട്ട് വര്‍ഷങ്ങളായി.ഉപരോധത്തെ തുടര്‍ന്ന് എഎക്‌സ്ഇ വിനുകുമാറുമായി നടന്ന ചര്‍ച്ചയില്‍ രണ്ടാഴ്ചക്കകം റോഡ് റിപ്പയര്‍ ചെയ്യാമെന്നും നാളെ ബന്ധപ്പെട്ട ഉദ്യോഗസ്ഥന്മാര്‍ വന്നു പരിശോധിച്ചതിനു ശേഷം ഭാവിയില്‍ ഡ്രൈനേജ്, കള്‍ വേര്‍ട് അടക്കം ഉള്‍പ്പെടുത്തി റോഡ് നിര്‍മ്മിക്കാമെന്നും ഉറപ്പു നല്‍കിയതിന്റെ അടിസ്ഥാനത്തില്‍ ഉപരോധം അവസാനിപ്പിച്ചു. പിഎന്‍ ശശിധരന്‍, കെകെ ഷമീല്‍, പി കാദര്‍, എ സുനീഷ്, സാബി തെറ്റുമ്മല്‍, ഒ റിയാസ്, പി ഹര്‍ഷാദ് എപി കബീര്‍ ഉപരോധത്തിന് നേത്രത്വം നല്‍കി
