ചെന്നൈ: ചെന്നൈ വഴി ചായപാക്കറ്റില് മെത്താഫെറ്റാമൈന് കടത്താനുള്ള നീക്കം പൊളിച്ച് നാര്കോറ്റിക്സ് കണ്ട്രോള് ബ്യൂറോ. മണിപ്പൂരിലെ ഇംഫാലില് നിന്ന് 75 കോടി രൂപ വിലവരുന്ന ലഹരി വസ്തുക്കള് പിടിച്ചെടുത്തു. മ്യാന്മറിലെ തമുവില് നിന്ന് ശ്രീലങ്കയിലേക്ക് കടല്മാര്ഗം കടത്താനുള്ള ശ്രമത്തിനിടെയാണ് നാര്കോട്ടിക്സ് കണ്ട്രോള് ബ്യൂറോ ലഹരിമരുന്ന് പിടിച്ചെടുത്തത്. 15.8 കിലോ മെത്താഫെറ്റാമൈന് പിടിച്ചെടുത്തെന്നും അന്താരാഷ്ട്ര ലഹരിക്കടത്ത് സംഘത്തിലെ 8 പേര് അറസ്റ്റിലായെന്നും നാര്കോട്ടിക്സ് കണ്ട്രോള് ബ്യൂറോ അറിയിച്ചു.
മ്യാന്മറിലെ തമുവില് നിന്ന് മണിപ്പൂര്, ഗുവാഹത്തി, ചെന്നൈ വഴി ശ്രീലങ്കയിലേക്ക് മയക്കുമരുന്ന് കടത്താനായിരുന്നു നീക്കം. ചായ പാക്കറ്റുകളില് ഒളിപ്പിച്ച നിലയിലാണ് മയക്കുമരുന്ന് ചെന്നൈയില് എത്തിച്ചത്.
