ആറന്മുള വള്ളസദ്യക്കിടെ മാല മോഷണ ശ്രമം. സംഭവത്തിൽ മൂന്ന് സ്ത്രീകൾ പിടിയിലായി. വള്ളസദ്യയ്ക്കെത്തിയ സ്ത്രീയുടെ മാല പൊട്ടിച്ചോടുന്നതിനിടെയാണ് മൂന്നംഗസംഘം പിടിയിലായത്. മോഷ്ടിച്ച് കടന്ന് കളയുന്നതിനിടെ ഓട്ടോ ഡ്രൈവറാണ് ഇവരെ പിടികൂടിയത്. തമിഴ് നാട് സ്വദേശികളാണ് പ്രതികൾ.
ക്ഷേത്രത്തിന് ചുറ്റുമതിലിന് പുറത്തേക്ക് ഓടി രക്ഷപ്പെടാനായിരുന്നു ഇവര് ശ്രമിച്ചത്. സ്ത്രീയുടെ മാല പൊട്ടിച്ചെടുത്ത ശേഷം ഒപ്പമുണ്ടായിരുന്ന മറ്റൊരു സ്ത്രീയ്ക്ക് കൈമാറിയ ശേഷം ഓടി രക്ഷപ്പെടുകയായിരുന്നു. നാട്ടുകാര് വിളിച്ചറിയിച്ചതിനെ തുടര്ന്ന് ഒരു ഓട്ടോ ഡ്രൈവര് ഇവരെ പിന്തുടര്ന്ന് പിടികൂടുകയായിരുന്നു. ഇവരെ പൊലീസിന് കൈമാറി. പൊട്ടിച്ചെടുത്ത മാല ഇവരില് നിന്ന് കണ്ടെടുത്തു.
