അസമിലെ ദേശീയോധ്യാനത്തില് നിന്ന് മുന് പ്രധാനമന്ത്രി രാജീവ് ഗാന്ധിയുടെ പേര് ഒഴിവാക്കുമെന്ന് സര്ക്കാര്. രാജീവ് ഗാന്ധി ഒറാങ്ങ് നാഷണല് പാര്ക്കിന്റെ പേര് ഒറാങ് നാഷണല് പാര്ക്ക് എന്നാക്കി മാറ്റാനുളള തീരുമാനം അസ്സം മന്ത്രിസഭ പാസാക്കി. ആദിവാസി, ഗോത്ര സംഘടനകളുടെ ആവശ്യം പരിഗണിച്ചാണ് ഒറാംഗ് ദേശീയോദ്യാനമെന്ന് പുനര് നാമകരണം ചെയ്യാന് തീരുമാനമെന്ന് അസം സര്ക്കാര് അറിയിച്ചു.ബംഗാള് കടുവകളുടെ പ്രധാന ആവാസകേന്ദ്രങ്ങളിലൊന്നെന്ന നിലയില് ലോകപ്രശസ്തമാണ് ഈ നാഷണല് പാര്ക്ക്.
മുഖ്യമന്ത്രി ഹിമന്ത ബിശ്വ ശര്മയുമായുള്ള ചര്ച്ചയ്ക്കിടെയാണ് ആദിവാസി, ഗോത്ര സമുദായത്തിലെ പ്രമുഖര് പാര്ക്കിന്റെ പേരില് നിന്ന് രാജീവ് ഗാന്ധിയുടെ പേര് നീക്കം ചെയ്യണമെന്ന ആവശ്യം ഉന്നയിച്ചത്. തുടര്ന്ന് മന്ത്രിസഭ ചേര്ന്ന് തീരുമാനത്തിന് അംഗീകാരം നല്കുകയായിരുന്നു.1985ലാണ് ഈ പ്രദേശത്തെ വന്യജീവി സങ്കേതമായി പ്രഖ്യാപിക്കുന്നത്. 1999ലാണ് ദേശീയോദ്യോനമെന്ന പദവിയിലേക്ക് ഉയര്ത്തിയത്.
