ഔദ്യോഗിക കാറില് യാത്ര ചെയ്യുമ്പോള് പൊലീസ് സല്യൂട്ട് നല്കുന്നില്ലെന്ന പരാതിയുമായി തൃശൂര് മേയര്. ഇതുമായി ബന്ധപ്പെട്ട് ഡിജിപിക്ക് പരാതി നല്കി
പല തവണ പരാതി നല്കിയിട്ടും പൊലീസ് മുഖം തിരിച്ചെന്നും പരാതിയില് പറയുന്നു. ഇത് സംബന്ധിച്ച് ഡിജിപി ഉത്തരവിറക്കണമെന്നാണ് മേയറുടെ ആവശ്യം. മേയറുടെ പരാതി തൃശൂര് റേഞ്ച് ഡിഐജിക്ക് കൈമാറി. ഉചിതമായ നടപടിയെടുക്കണമെന്നാണ് നിര്ദ്ദേശം.
പ്രോട്ടോക്കോള് പ്രകാരം ഗവര്ണര്ക്കും മുഖ്യമന്ത്രിക്കും ശേഷം മൂന്നാംസ്ഥാനമാണ് കോര്പറേഷന് മേയര്ക്കുള്ളത്. സല്യൂട്ട് നല്കാത്ത വിഷയം പലതവണ പറഞ്ഞിട്ടും പോലീസ് മുഖം തിരിച്ചെന്നും മേയര് പറഞ്ഞു.
മേയറെ കാണുമ്പോള് പോലീസുകാര് തിരഞ്ഞുനില്ക്കുന്ന സാഹചര്യമാണ്. എം.കെ.വര്ഗീസിനെ ആരും ബഹുമാനിക്കേണ്ട. എന്നാല് മേയര് എന്ന സ്ഥാനത്തെ ബഹുമാനിച്ചേ മതിയാകുവെന്നും അദ്ദേഹം പറഞ്ഞു.
ഇക്കാര്യത്തില് ഡിജിപിക്ക് പരാതി നല്കിയിട്ടുണ്ടെങ്കിലും മറുപടി ലഭിച്ചിട്ടില്ല. കമ്മീഷണറേയും സ്ഥലം എം.എല്.എ.യേയും കാര്യങ്ങള് ബോധിപ്പിച്ചിരുന്നു. എന്നാല് ഇതുവരെ ഒരുനടപടിയും ഉണ്ടായിട്ടില്ലെന്നും അദ്ദേഹം വ്യക്തമാക്കി.
