ബിസിനസ് ടൂറിലാണെന്നും മെയ് 19ന് മടങ്ങിയെത്തുമെന്നും ബലാത്സംഗക്കേസില് പ്രതിയായ നടനും നിര്മാതാവുമായ വിജയ് ബാബു. പോലീസ് നോട്ടീസിന് നൽകിയ മറുപടിയിലാണ് അദ്ദേഹം സാവകാശം തേടിയത്. ഇ-മെയിൽ വഴിയായിരുന്നു മറുപടി.അതേസമയം, വിജയ് ബാബുവിന് സാവകാശം നല്കാനാവില്ല എന്നാണ് പൊലീസ് നിലപാട്. അടിയന്തിരമായി അന്വേഷണോദ്യോഗസ്ഥന് മുന്നില് ഹാജരാകാനാണ് പൊലീസ് ആവശ്യപ്പെട്ടിരിക്കുന്നത്.ഇപ്പോൾ എവിടെയാണുള്ളത് എന്ന് വ്യക്തമാക്കാതെയാണ് വിജയ് ബാബു മെയിൽ ചെയ്തത്.ഇക്കഴിഞ്ഞ 24-നാണ് ബലാത്സംഗക്കേസില് ആരോപണവിധേയനായ വിജയ് ബാബു ബെംഗളൂരു വിമാനത്താവളം വഴി ദുബായിലേക്ക് പോയത്. രണ്ടുപേരാണ് ഇയാള്ക്കെതിരെ പരാതിയുമായി രംഗത്തുവന്നത്.
ബിസിനസ് ടൂറിലാണെന്ന് വിജയ് ബാബു;സാവകാശം തേടി മെയിലയച്ചു നല്കില്ലെന്ന് പൊലീസ്
