കാസർഗോഡ് ഷവർമയിൽ നിന്ന് ഭക്ഷ്യവിഷബാധയേറ്റ് 16 കാരി മരിച്ച സംഭവത്തിൽ ഐഡിയൽ കൂൾ ബാറിന് നേരെ ആക്രമണം.കഴിഞ്ഞദിവസം പെണ്കുട്ടി മരിച്ചെന്ന വിവരം പുറത്തുവന്നതോടെ സ്ഥാപനത്തിന് നേരേ കല്ലേറുണ്ടായിരുന്നു. കല്ലേറിൽ കൂൾബാറിന്റെ ചില്ലുകൾ പൂർണമായി തകർന്നു. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.തിങ്കളാഴ്ച പുലര്ച്ചെയോടെയാണ് സ്ഥാപനത്തിന്റെ വാനും കത്തിനശിച്ച നിലയില് കണ്ടെത്തിയത്. വാഹനം ചന്തേര പോലീസ് സ്റ്റേഷനിലേക്ക് മാറ്റിയിരിക്കുകയാണ്.വെള്ളിയാഴ്ചയാണ് ചെറുവത്തൂരിലെ ഐഡിയല് ഫുഡ്പോയന്റില്നിന്ന് ദേവനന്ദയടക്കമുള്ളവര് ഷവര്മ കഴിച്ചത്. ഞായറാഴ്ച രാവിലെയോടെ കുട്ടികള്ക്ക് ഛര്ദി, വയറുവേദന, പനി തുടങ്ങിയ ലക്ഷണങ്ങള് കണ്ടു. രാവിലെ പത്തുമണിയോടെ രോഗലക്ഷണമുള്ളവര് ചെറുവത്തൂര് സാമൂഹിക ആരോഗ്യകേന്ദ്രത്തില് എത്തിത്തുടങ്ങി. ഇവര്ക്ക് പ്രാഥമിക ചികിത്സനല്കി കാഞ്ഞങ്ങാട് ജില്ലാ ആശുപത്രിയിലേക്കുമാറ്റി. അവിടെവെച്ചായിരുന്നു ദേവനന്ദയുടെ മരണം.
അതേസമയം, ഷവര്മ കഴിച്ച് വിദ്യാര്ഥിനി മരിച്ച സംഭവത്തില് ഐഡിയല് ഫുഡ് പോയിന്റ് മാനേജിങ് പാര്ട്ണര് അനക്സ്, ഷവര്മ ഉണ്ടാക്കിയ നേപ്പാള് സ്വദേശി സന്ദേശ് റായ് എന്നിവരെ ചന്തേര പോലീസ് തിങ്കളാഴ്ച അറസ്റ്റ് ചെയ്തു. സ്ഥാപനത്തിന്റെ മറ്റൊരു മാനേജിങ് പാര്ട്ണറായ അഹമ്മദ് പോലീസിന്റെ കസ്റ്റഡിയിലുമാണ്.
ഷവര്മ കഴിച്ച് ഭക്ഷ്യവിഷബാധ;സ്ഥാപനത്തിന്റെ വാഹനം കത്തിനശിച്ച നിലയില്,
