കൊച്ചി: അഭിനയിക്കാന് അവസരം വാഗ്ദാനം ചെയ്ത് ലൈംഗികമായി പീഡിപ്പിച്ചുവെന്ന കേസില് നടന് നിവിന് പോളിയെ ചോദ്യം ചെയ്തു. സിനിമാ മേഖലയിലെ ലൈംഗികാരോപണങ്ങള് അന്വേഷിക്കുന്ന പ്രത്യേക സംഘമാണ് നടനെ ചോദ്യം ചെയ്തത്. തനിക്കെതിരായ ആരോപണം ഗൂഢാലോചനയാണെന്ന് കാട്ടി നടന് നല്കിയ പരാതിയിലും മൊഴിയെടുത്തിട്ടുണ്ട്.
സിനിമയില് അവസരം വാഗ്ദാനം ചെയ്ത് വിദേശത്തുവെച്ച് നിവിന്പോളി അടക്കമുള്ളവര് പീഡിപ്പിച്ചെന്ന് കാണിച്ച് നേര്യമംഗലം സ്വദേശിയാണ് നിവിന് പോളിക്കെതിരെ പരാതി നല്കിയത്. ഇതില് എറണാകുളം ഊന്നുകല് പൊലീസ് ജാമ്യമില്ല വകുപ്പുകള് പ്രകാരം നടനെതിരെ കേസെടുത്തിരുന്നു. കഴിഞ്ഞ വര്ഷം നവംബറിലാണ് സംഭവമെന്നാണ് യുവതി പരാതിയില് പറഞ്ഞത്.
