ഹത്‌റാസിൽ കൊല്ലപ്പെട്ട പെൺകുട്ടിയുടെ വീട്ടിലേക്കുള്ള യാത്രാ മധ്യേ രാഹുലിനേയും പ്രിയങ്കയേയും പൊലീസ് അറസ്റ്റ് ചെയ്തു. രാഹുൽ ഗാന്ധിയേയും പ്രിയങ്കാ ഗാന്ധിയേയും ഉത്തർപ്രദേശ് പൊലീസാണ് അറസ്റ്റ് ചെയ്തത്. ഐപിസി സെക്ഷൻ 188 പ്രകാരമാണ് അറസ്റ്റ് ചെയ്തതെന്ന് പൊലീസ് അറിയിച്ചു. ഇരുവരേയും ഗസ്റ്റ് ഹൗസിലേക്ക് മാറ്റി.
. ഡൽഹി-ഉത്തർപ്രദേശ് അതിർത്തിയിൽ രാഹുൽ ഉൾപ്പെടെയുള്ളവരെ പൊലീസ് തടഞ്ഞു. തുടർന്ന് കോൺഗ്രസ് പ്രവർത്തകരും പൊലീസും തമ്മിൽ ഉന്തും തള്ളുമുണ്ടായി. ഇതിനിടെ രാഹുൽ ഗാന്ധി നിലത്തുവീണു.
രാഹുലിനേയും സംഘത്തേയും ഒരു കാരണവശാലും ഹത്‌റാസിലേക്ക് കടത്തിവിടില്ലെന്ന് പൊലീസ് പറഞ്ഞു. ഒറ്റയ്ക്കായാലും ഹത്‌റാസിലേക്ക് പോകുമെന്നും ഏത് വകുപ്പ് ചുമത്തി പൊലീസ് കേസെടുക്കുമെന്ന് അറിയണമെന്നും രാഹുൽ പറഞ്ഞു.
