കോവിഡ് 19 വൈറസ് വ്യാപനം രൂക്ഷമാവുന്ന സാഹചര്യത്തിൽ ഇന്ത്യയിൽ മരണസംഖ്യയും ഉയരുന്നു. 24 മണിക്കൂറിനിടെ 507 പേരാണ് രാജ്യത്ത് രോഗബാധമൂലം മരിച്ചത്. ഇതോടെ ഇന്ത്യയിൽ മരണം 17,400 ആയി.
24 മണിക്കൂറിനിടെ 18,653 പേർക്കാണ് പുതുതായി രോഗം സ്ഥിരീകരിച്ചത്. ഇതോടെ കോവിഡ് ബാധിതരുടെ എണ്ണം 5,85,493 ആയി ഉയർന്നു. ഇതിൽ 2,20,114 പേരാണ് നിലവിൽ ചികിത്സയിലുള്ളത്. 3,47,979 പേർക്ക് രോഗം ഭേദമായി.
മഹാരാഷ്ട്രയിൽ മാത്രം 1,74,761 രോഗബാധിതരെ കണ്ടെത്തിയിട്ടുണ്ട്. 7,855 പേരാണ് അവിടെ കോവിഡ് ബാധിച്ച് മരിച്ചത്. ഡൽഹിയിൽ 87,360 പേർക്കാണ് രോഗം. 2,742 മരണം രാജ്യ തലസ്ഥാനത്ത് റിപ്പോർട്ട് ചെയ്തു.
90,167 പേർക്ക് രോഗം സ്ഥിരീകരിച്ച തമിഴ്നാട്ടിൽ 1,201 മരണവും 32,557 പേർക്ക് രോഗം സ്ഥിരീകരിച്ച ഗുജറാത്തിൽ 1,846 മരണവുമുണ്ടായി.
