കോഴിക്കോട്: മുക്കം എൻ.ഐ.ടി കാമ്പസിനുള്ളിൽ അധ്യാപകന് കുത്തേറ്റു. സിവിൽ എഞ്ചിനീയറിങ് അസിസ്റ്റന്റ് പ്രൊഫസർ ഡോ. ജയചന്ദ്രന് നേരെയാണ് ആക്രമണമുണ്ടായത്. കാമ്പസിന് പുറത്തുനിന്നെത്തിയ സേലം സ്വദേശി വിനോദ് കുമാർ ആണ് അധ്യാപകനെ ആക്രമിച്ചത്. അക്രമിച്ചത് പൂര്വ വിദ്യാര്ഥിയാണെന്നാണ് സംശയം. മാര്ക്കുമായി ബന്ധപ്പട്ട തര്ക്കമാണ് അക്രമണത്തിന് കാരണമായത്.
ഉച്ചയ്ക്ക് പന്ത്രണ്ടരയോടെയാണ് പൂര്വ വിദ്യാര്ഥി ക്യാമ്പസിലെത്തിയത്. അതിനുശേഷം ഇയാള് അധ്യാപകനെ കാണുകയും മാര്ക്കുമായി ബന്ധപ്പെട്ട് ചില തര്ക്കങ്ങള് ഉണ്ടായതായും അധ്യാപകര് പറയുന്നു. അതിന് പിന്നാലെ അധ്യാപകനെ കത്തിയെടുത്ത് കുത്തുകയായിരുന്നു.
പരിക്കേറ്റ അധ്യാപകനെ സമീപത്തെ ആശുപത്രിയില് പ്രവേശിപ്പിച്ചു. പരിക്ക് സാരമല്ലെന്നാണ് റിപ്പോര്ട്ടുകള്. കുന്ദമംഗലം പൊലീസ് സ്ഥലത്ത് എത്തിയിട്ടുണ്ട്.
