നടന് ദിലീപിന്റെ സുഹൃത്ത് സലീഷിന്റെ അപകടമരണം ക്രൈംബ്രാഞ്ച് അന്വേഷിക്കും. സലീഷിന്റെ സഹോദരന്റേയും കുടുംബാംഗങ്ങളുടെയും മൊഴി അന്വേഷണസംഘം രേഖപ്പെടുത്തും.സലീഷിന്റെ അപകട മരണത്തിൽ ദുരൂഹത ഉണ്ടെന്ന് സഹോദരൻ പരാതി നൽകിയിരുന്നു.ഇതിന് പിന്നാലെയാണ് ക്രൈംബ്രാഞ്ച് അന്വേഷണം പ്രഖ്യാപിച്ചത്.
ദിലിപീന്റെ മൊബൈല് ഫോണുകള് സർവീസ് നടത്തിയിരുന്ന കോടാലി സ്വദേശി സലീഷ് 2020 ഓഗസ്റ്റ് 30 നാണ് റോഡപകടത്തില് മരിച്ചത്.എറണാകുളം പെന്റ മേനകയിലായിരുന്നു ഇയാള് മൊബൈല് ഫോണ് സര്വീസ് നടത്തിയിരുന്നത്. ഈ കടയിലായിരുന്നു ദിലീപിന്റെ മൊബൈല് ഫോണുകള് സര്വീസ് നടത്തിയിരുന്നത്.മുമ്പ് കേസുമായി ബന്ധപ്പെട്ട അന്വേഷണത്തിനിടയില് ദിലീപിന്റെ ഫോണ് സലീഷ് സര്വീസ് ചെയ്തിരുന്നു. ഇതിനു തൊട്ടു പിന്നാലെയാണ് ഇയാള് കാറപകടത്തില് മരിക്കുന്നത്. അങ്കമാലിയില് ഒരു മരത്തിന് സമീപം കാര് ഇടിച്ചാണ് അപകടമുണ്ടായത്.
ഒരു സാധാരണ കാറപകടം എന്ന നിലയിലാണ് ബന്ധുക്കള് കരുതിയിരുന്നത്.സലീഷ് ഉറങ്ങിപ്പോയതു കൊണ്ടാണ് അപകടമുണ്ടായതെന്ന അനുമാനത്തിൽ അപകടമരണത്തിനാണ് അന്നു കേസ് റജിസ്റ്റർ ചെയ്തതെന്നും അങ്കമാലി പൊലീസ് പറഞ്ഞു. എന്നാല് സംവിധായകന് ബാലചന്ദ്രകുമാറിന്റെ വെളിപ്പെടുത്തലിനെ തുടര്ന്ന് യുവാവിന്റെ മരണത്തില് ദുരൂഹത ആരോപിച്ച് നിരവധി പേര് രംഗത്ത് വന്നിരുന്നു. ബൈജു കൊട്ടാരക്കരയും ഈ മരണത്തെ പറ്റി ആരോപണങ്ങള് ഉന്നയിച്ചിരുന്നു.
