കുന്ദമംഗലം; കുന്ദമംഗലം ഹൈവേയില് നിരന്തരമായി വാഹനാപകടങ്ങളും മരണങ്ങളും അനിയന്ത്രിയമായ ട്രാഫിക് ബ്ലോക്കും ഉണ്ടാവുന്നതുമായി ബന്ധപ്പെട്ട് സാമൂഹ്യപ്രവര്ത്തകന് നൗഷാദ് തെക്കയിലിന്റെ പരാതിയില് മനുഷ്യാവകാശ കമ്മീഷന്റെ ഇടപെടല്. കുന്ദമംഗലം ഹൈവേയില് ചില സമയങ്ങളില് ആംബുലന്സുകള് വരെ ബ്ലോക്കില് പെടുന്നുവെന്നും 3 ജില്ലകളില് നിന്നും രോഗികളെ മെഡിക്കല് കോളേജില് എത്തിക്കാനുള്ള പ്രധാന പാതയില് ജപ്പാന് കുടിവെള്ള പദ്ധതിയുടെ അനാസ്ഥ കാരണം നിരവധി ഗര്ത്തങ്ങള് ഉള്ളത് അപകടങ്ങള്ക്ക് കാരണമാവുന്നു എന്നും ഹൈവേ അതോറിറ്റിയും വാട്ടര് അതോറിറ്റിയും തമ്മില് നടക്കുന്ന ശീത സമരങ്ങളും ജനങ്ങളെ ബാധിക്കുന്നു എന്നും കാണിച്ചാണ് നൗഷാദ് തെക്കയില് കേരള മനുഷ്യാവകാശ കമ്മീഷനില് പരാതി നല്കിയിരുന്നത്. തുടര്ന്ന് കമ്മീഷന് വിഷയം ഗൗരവത്തില് എടുക്കുകയും കോഴിക്കോട് ജില്ലാ കലക്ടറോട് അടിയന്തിര റിപ്പോര്ട്ട് ആവശ്യപ്പെടുകയും ചെയ്തു. ഇതിന്റെ അടിസ്ഥാനത്തില് കളക്ടര് ഹൈവേ അതോറിറ്റിയോടും വാട്ടര് അതോറിറ്റിയോടും വിശദീകരണം ഉത്തരവിലൂടെ ആവശ്യപ്പെട്ടിരിക്കുകയാണ്.
