ഇന്ത്യയിൽ ഏറ്റവും കൂടുതൽ ആളുകൾ ഉപയോഗിക്കുന്ന മെസേജിങ് ആപ്പായ വാട്സാപ്പിന് ബദലായി’സന്ദേശ്’ എന്ന പുതിയ മെസേജിങ് ആപ്പുമായി കേന്ദ്രസർക്കാർ.
ഐടി മന്ത്രി രാജീവ് ചന്ദ്രശേഖർ ലോക്സഭയിൽ അറിയിച്ചതാണ് ഇക്കാര്യം. നാഷണൽ ഇൻഫർമാറ്റിക്സ് സെന്ററിന് കീഴിലുള്ള മെയ്റ്റ്വൈയാണ് ആപ്പ് നിർമിച്ചതെന്ന് മന്ത്രി വ്യക്തമാക്കി
മൊബൈൽ നമ്പറോ ഇ-മെയിൽ ഐഡിയോ ഉപയോഗിച്ച് ‘സന്ദേശി’ ൽ ലോഗ് ഇൻ ചെയ്യാൻ സാധിക്കും. നിലവിൽ തെരഞ്ഞടുത്ത സർക്കാർ വകുപ്പുകൾ ‘സന്ദേശ്’ ആപ്പ് ഉപയോഗിക്കുന്നുണ്ട്. .
” സന്ദേശ് സുരക്ഷിതമായൊരു ഒരു ഓപ്പൺ സോഴ്സ്, ക്ലൗഡ് ഉൾക്കൊള്ളിച്ചിട്ടുള്ള സർക്കാർ നിയന്ത്രണത്തിലുള്ള ഒരു മെസേജിങ് ആപ്പാണ്”- അദ്ദേഹം പറഞ്ഞു. പേഴ്സണൽ മെസേജിനും ഗ്രൂപ്പ് മെസേജുകൾക്കും വ്യത്യസ്ത ഫോർമാറ്റുകളിലുള്ള ഫയലുകൾ അയക്കാനും ഇതിലൂടെ സാധിക്കും. കൂടാതെ ഓഡിയോ-വീഡിയോ കോളുകൾ ചെയ്യുവാനും ഇ-ഗവൺമെന്റ് ആപ്ലിക്കേഷൻ ഉൾപ്പെടുത്താനും ‘ സന്ദേശ്’ ആപ്പിലൂടെ സാധിക്കും. നിലവിൽ സർക്കാർ വകുപ്പുകൾ മാത്രമാണ് ആപ്പ് ഉപയോഗിക്കുന്നതെങ്കിലും ഗൂഗിൾ പ്ലേസ്റ്റോറിലും ആപ്പിൾ ആപ്പ് സ്റ്റോറിലും ആപ്പ് ലഭ്യമാണെന്നും അദ്ദേഹം കൂട്ടിച്ചേർത്തു.
