റോട്ടറി കാലിക്കറ്റ് സൈബർ സിറ്റി ആന്റ് ആസ്റ്റർ വളണ്ടിയേർസ് എന്നിവരുടെ സംയുക്താഭിമുഖ്യത്തിൽ കേരള പോലീസ് അസോസിയേഷൻ സിറ്റി കമ്മിറ്റിയുടെ സഹകരണത്തോടെ സൗജന്യ മെഡിക്കൽ ക്യാമ്പ് സംഘടിപ്പിച്ചു.
നഗര പോലീസ് സേനയ്ക്കായി ഏർപ്പെടുത്തിയ ക്യാമ്പ് ജില്ലാ പോലീസ് മേധാവി എ അക്ബർ ഉദ്ഘാടനം ചെയ്തു.
സേവന മേഖലയിലെ തിരക്കുകളിൽ ആരോഗ്യ സംരംക്ഷണത്തിന് ഇത്തരം ക്യാമ്പുകൾ ഗുണപ്രദമെന്ന് അക്ബർ പറഞ്ഞു.
റോട്ടറി സൈബർ സിറ്റി പ്രസിഡന്റ് സന്നാഫ് പാലക്കണ്ടി അധ്യക്ഷത വഹിച്ചു.
റോട്ടറി 3204 അസിസ്റ്റന്റ് ഗവർണ്ണർ ഡോ. പി എൻ അജിത മുഖ്യാതിഥിയായി .
ജലീൽ ഇടത്തിൽ, കെ പി ഒ എ ജില്ലാ സെക്രട്ടറി കെ ശശികുമാർ , ആസ്റ്റർ വളണ്ടിയർസ് കോ- ഓർഡിനേറ്റർ – കെ സുബിൻ സംസാരിച്ചു.
കേരള പോലീസ് അസോസിയേഷൻ സിറ്റി സെക്രട്ടറി വി.പി പവിത്രൻ സ്വാഗതവും
കെ ലിനീഷ് നന്ദിയും പറഞ്ഞു.
സിറ്റി കമ്മീഷണർ ആസ്ഥാനത്തും ക്രൈംബ്രാഞ്ച് ആസ്ഥാനത്തുമായി 300 ഓളം സേനാംഗങ്ങളും ക്യാമ്പിൽ പങ്കെടുത്തു.
കാർഡിയാക്ക് , ജനറൽ മെഡിസിൻ വിഭാഗങ്ങളിലെ വിദഗ്ദ ഡോക്ടർമാർ
പരിശോധനയ്ക്ക് നേതൃത്വം നൽകി.
