ലോകമെമ്പാടുമുള്ള പ്രേക്ഷകരിൽ നിന്നും മികച്ച പ്രതികരണമാണ് മണിരത്നത്തിന്റെ പൊന്നിയൻ സെൽവൻ 2 ന് ലഭിക്കുന്നത്. ആദ്യ ദിന കളക്ഷൻ 30 കോടി നേടുമെന്നായിരുന്നു പ്രതീക്ഷ വെച്ചിരുന്നതെങ്കിൽ ചിത്രത്തിന് 38 കോടി ആദ്യദിന കളക്ഷൻ ലഭിച്ചുവെന്നാണ് റിപ്പോർട്ട്. എന്നാൽ പിഎസ് 1-ന് ആദ്യ ദിനം ലഭിച്ച കളക്ഷന്റെ പകുതിമാത്രമാണ് സീക്വലിന് നേടാനായിരിക്കുന്നത്.
ചിത്രത്തിന്റെ ആദ്യ ഭാഗം ആദ്യ ദിനം 80 കോടി ആഗോളതലത്തിൽ കളക്ട് ചെയ്തിരുന്നു. രണ്ടാം ഭാഗത്തെക്കാളും മോർണിങ് ഷോകളുടെ എണ്ണം പിഎസ് 1-ന് കൂടുതലായിരുന്നു. മാത്രമല്ല 4,500-ലധികം സ്ക്രീനുകളിലാണ് പിഎസ് 1 പ്രദർശിപ്പിച്ചതെങ്കിൽ 3,200 സ്ക്രീനുകളാണ് പിഎസ് 2-ന് ലഭിച്ചത്. ഇത് കളക്ഷനിൽ വലിയ വ്യത്യാസം സൃഷ്ടിച്ചിട്ടുണ്ട്.
70 വർഷം മുൻപ് കൽക്കി കൃഷ്ണമൂർത്തി എഴുതിയ നോവൽ പരമ്പരയെ അടിസ്ഥാന മാക്കിയുള്ളതാണ് മണിരത്നത്തിന്റെ ഇതിഹാസ ചിത്രം. പൊന്നിയിൻ സെൽവൻ രാജരാജ ചോളന്റെയും കിരീടാവകാശിയുടെയും സാങ്കൽപ്പിക കഥയാണ് സിനിമയിൽ പറയുന്നത്
വിക്രം, തൃഷ, പ്രകാശ് രാജ്, കിഷോർ, ശരത്കുമാർ, കാർത്തി, ജയം രവി, ഐശ്വര്യ റായ്, ജയറാം എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നുത്. എ ആർ റഹ്മാൻ സംഗീതവും രവി വർമ്മൻ ഛായാഗ്രഹണവും നിർവ്വഹിച്ചിരിക്കുന്നു.
