കോഴിക്കോട് കാരശ്ശേരിയില് 52കാരന്റെ മൃതദേഹം തോട്ടില് കണ്ടെത്തി. കാരശ്ശേരി പഞ്ചായത്തിലെ വല്ലത്തായിപാറ -കൂടരഞ്ഞി റോഡിന് സമീപമുള്ള തോട്ടിലാണ് ഇന്ന് രാവിലെയോടെ നാട്ടുകാര് മൃതദേഹം കണ്ടെത്തിയത്. കാരശ്ശേരി മൂട്ടോളി സ്വദേശിയും തെങ്ങുകയറ്റ തൊഴിലാളിയുമായ അച്യുതന് ആണ് മരിച്ചത്.തോട്ടിലൂടെ വെള്ളം ഒഴുകുന്ന ഭാഗത്താണ് മൃതദേഹം കമഴ്ന്നു കിടക്കുന്ന രീതിയില് കണ്ടത്. ഈ ഭാഗത്ത് പാറക്കല്ലുകളുമുണ്ട്. തോടിന് സമീപത്തായുള്ള കലുങ്കില് ഇരുന്നപ്പോള് തോട്ടിലേക്ക് വീണുപോയതാവാമെന്നാണ് പ്രാഥമിക നിഗമനം. മുക്കം പോലീസ് സ്ഥലത്തെത്തി തുടര് നടപടികള് സ്വീകരിച്ചു.
